నవతెలంగాణ-ఆసిఫాబాద్‌
పండిత్‌ దీన్‌ దయాళ్‌ గొప్ప మానవతావాదని సమాజంలో అట్టడుగున ఉన్న వ్యక్తికి ప్రభుత్వ పథకాలు తొలి ప్రాధాన్యత ఇవ్వాలని తెలిపిన సంస్కరణ కర్త అని బీజేపీ జిల్లా అధ్యక్షుడు కొత్తపల్లి శ్రీనివాస్‌ కొనియాడారు. జిల్లా కేంద్రంలోని బీజేపీ జిల్లా కార్యాలయంలో ఆదివారం పండిత్‌ దీన్‌ దయాళ్‌ ఉపాధ్యాయ జయంతి వేడుకలు ఘనంగా నిర్వహించారు. ఈ సందర్భంగా ఆయన చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ పండిత్‌ దీన్‌ దయాళ్‌ గొప్ప మానవతావాది అని అన్నారు. సమాజంలో అట్టడుగున ఉన్న వ్యక్తికే ప్రభుత్వ పథకాల్లో తొలి ప్రయోజనం చేకూరాలని అన్నారు. అంత్యోదయ విధానాన్ని రూపొందించిన సిద్ధాంత కర్త అని తెలిపారు. జన సంఫ్‌ు వ్యవస్థాపకులు, ప్రపంచంలో అతిపెద్ద పార్టీగా అవతరించిన భారతీయ జనతా పార్టీ పటిష్ట పునాదులు వేసిన మహనీయుడని కొనియాడారు. ప్రతి కార్యకర్త ఆయన జీవితం నుండి స్ఫూర్తి పొందాలని కోరారు. ఈ కార్యక్రమంలో రాష్ట్ర కార్యవర్గ సభ్యులు కృష్ణ కుమారి, పార్లమెంట్‌ కోకన్వీనర్‌ కొలిపాక కిరణ్‌ కుమార్‌, జిల్లా ప్రధాన కార్యదర్శి కొంగ సత్యనారాయణ, జిల్లా ఉపాధ్యక్షులు గుల్భం చక్రపాణి, ఖాండ్రే విశాల్‌, జిల్లా కార్యదర్శి కుందారపు బాలకృష్ణ, యువ మోర్చా జిల్లా అధ్యక్షుడు ఏలగతి సుచిత్‌, ప్రధాన కార్యదర్శి మేడి కార్తిక్‌, ఉపాధ్యక్షుడు మందాడే సుధాకర్‌, మహిళ మోర్చా జిల్లా ప్రధాన కార్యదర్శి కుసుమ విజయ, పెంచికల్‌పేట్‌ మండల అధ్యక్షుడు తుమ్ముడే భాస్కర్‌, నాయకులు వసంత్‌, వెంకటయ్య, మల్లేష్‌, నవీన్‌ గౌడ్‌ పాల్గొన్నారు.
తాంసి:దీన్‌ దయాళ్‌ జయంతి వేడుకలను ఆదివారం మండలంలోని పలు గ్రామాలతో పాటు భీంపూర్‌ మండలంలోని తాంసి(కె) గ్రామంలోని యువజన సంఘం అధ్వర్యంలో పండిత్‌ దీన్‌ దయాళ్‌ చిత్రపటానికి పూలమాలలు వేసి నివాళులర్పించారు. అనంతరం గ్రామంలోని పరిసరాల్లో పిచ్చి మొక్కలు తొలగించి మొక్కలను నాటారు. ఈ కార్యక్రమంలో యువజన సంఘం సభ్యులు నిలేష్‌ యాదవ్‌, వాంఖడే, విజరు, అరవింద్‌, శ్రీకాంత్‌, రుషీ, సతీష్‌ ఉన్నారు.
ఆదిలాబాద్‌టౌన్‌:దేశ సార్వభౌమత్వం కోసం జీవితాన్ని త్యాగం చేసిన ఆదర్శప్రాయుడు పండిత్‌ దీనదయాళ్‌ ఉపాధ్యాయ అని బీజేపీ జిల్లా అధ్యక్షుడు పాయల్‌ శంకర్‌, రాష్ట్ర నాయకురాలు సుహాసిని రెడ్డి అన్నారు. ఆదివారం జిల్లా కేంద్రంలోని బీజేపీ పార్టీ కార్యాలయంలో దీనదయాళ్‌ ఉపాధ్యాయ జయంతిని నిర్వహించారు. ఆయన చిత్రపటానికి పూలమాలలు వేసి నివాళులర్పించారు. ప్రధాని మోడీ దీనదయాళ్‌ ఉపాధ్యాయ ఆశయ సాధనకై కృషి చేస్తున్నారని తెలిపారు. కార్యక్రమంలో పార్టీ పట్టణ అధ్యక్షుడు లాలా మున్నా, నాయకులు దినేష్‌ మటోలియా, జోగు రవి, లోక ప్రవీణ్‌ రెడ్డి, వేదవ్యాస్‌, ఆకుల ప్రవీణ్‌, రత్నాకర్‌ రెడ్డి ఉన్నారు.
బోథ్‌:మండల కేంద్రంలోని బీజేపీ పార్టీ కార్యాలయంలో ఆదివారం పండిత్‌ దీన్‌ దయాళ్‌ జయంతిని గిరిజన మోర్చా అధికార ప్రతినిధి సాకటి దశరథ్‌ ఆధ్యర్యంలో దీన్‌ దయాళ్‌ చిత్రపటానికి పూలమాలలు వేసి ఘనంగా నిర్వహించారు. ఆయన చేసిన సేవలను కొనియాడారు. దీన్‌ దయాళ్‌ జయంతిని పురస్కరించుకొని ఓబీసీ జిల్లా అధ్యక్షుడు గొర్ల రాజు యాదవ్‌, మొక్కలు నాటారు. కార్యక్రమంలో నాయకులు తూము సూర్యం, రాజలింగు, లక్ష్మణ్‌, అడెల్లు, నాయకులు పాల్గొన్నారు.
