నవతెలంగాణ-ఖానాపూర్‌ రూరల్‌
మన ఊరు మనబడి కార్యక్రమంలో భాగంగా శుక్రవారం మండలంలోని మస్కాపూర్‌ ప్రభుత్వ పాఠశాలను కలెక్టర్‌ ముషారఫ్‌ అలీ ఫారూఖీ ఆకస్మికంగా తనిఖీ చేశారు. ఈ సందర్భంగా మౌలిక సదుపాయాల కల్పన, ఫ్లోరింగ్‌, మరుగుదొడ్ల నిర్వహణ, సీలింగ్‌, టైల్స్‌ తదితర పునరుద్దరణ పనులు నాణ్యత ప్రమాణాలతో పూర్తి చేయాలని అన్నారు. మియావాకి ఏర్పాటు చేయాలని విద్యార్టుల సౌకర్యం క్రీడా మైదానాన్ని ఏర్పాటు చేయాలని, ప్రహరీ పొడవున మొక్కలు నాటాలని సూచించారు. ఆయన వెంట తహసీల్దార్‌ రాజమౌళి, మండల విద్యా శాఖ అధికారితో పాటు స్థానిక ప్రజాప్రతినిధులు ఉన్నారు.
మీ స్నేహితులకు రికమెండ్ చెయ్యండి
