- నిలిచిపోయిన రాకపోకలు
- అక్రమంగా పీడీఎఫ్‌ బియ్యం తరళిస్తున్నారనే నుమానం
నవతెలంగాణ-దహెగాం
దహెగాం నుంచి పెంచికల్‌పేట్‌కు వెళ్లే మార్గంలో ఆదివారం సాయంత్రం టీఎస్‌ 20 టీ 4161 నెంబర్‌ గల ఐచర్‌వ్యాన్‌ బురదలో కూరుకుపోయింది. దీంతో రాకపోకలకు అంతరాయం ఏర్పడి పదుల సంఖ్యలో వాహనాలు నిలిచిపోయాయి. వాహనదారులు ఐచర్‌వ్యాన్‌ వద్దకు వెళ్లి చూడగా అందులో ఎవరు లేకపోవడం, దానిచుట్టూ తార్పాలిన్‌ కప్పి ఉండడంతో పీడీఎఫ్‌ బియ్యం ఉన్నట్టు, అక్రమంగా తరలిస్తున్నట్టు సర్వత్రా చర్చకు దారితీసింది. చాలా సేపటికీ కూడా వ్యాన్‌ వద్దకు సంబంధీకులు ఎవరురాకపోవడంతో ఏదో అక్రమ రవాణా చేస్తున్నట్టు అనుమానం మరింత బలపడింది. ఈ వార్త కాస్త అన్ని సోషల్‌ మీడియా గ్రూపుల్లో చర్చకు దారితీసినప్పటికీ అధికారులు ఎవరు స్పందించకపోవడంతో సర్వత్రా విమర్శలు వినిపిస్తున్నాయి. ఈ వ్యాన్‌ దహెగాం మండలకేంద్రానికి చెందిన ఒక ప్రముఖ వ్యాపారిదిగా అనుమానిస్తున్నారు. ఈ విషయంపై ఎస్‌ఐ సనత్‌కుమార్‌ను సంప్రదించగా ఇప్పుడే సమాచారం అందిందని, అందులో ఏమున్నాయో సంఘటన స్థలం వద్దకు వెళ్లి పరిశీలిస్తామని పేర్కొన్నారు.
