- 31 మంది సివిల్‌ కానిస్టేబుళ్లకు హెడ్‌ కానిస్టేబుల్స్‌గా ప్రమోషన్స్‌
- ఎస్పీ రాజేంద్రప్రసాద్‌
నవతెలంగాణ-సూర్యాపేట
ప్రమోషన్‌ పొందడం అనేది జీవితంలో చాలా సంతోషకరమైన విషయమని,సమాజంలో గౌరవం పెరుగుతుందని,మరింత బాధ్యత పెరుగుతుందని ఎస్పీ రాజేంద్రప్రసాద్‌ అన్నారు.ప్రమోషన్‌ పొందిన సిబ్బందికి సోమవారం స్థానిక ఎస్పీ కార్యాలయంలో జరిగిన కార్యక్రమంలో ఆయన ప్రమోషన్‌ ఉత్తర్వులు అందించి శుభాకాంక్షలు తెలిపారు.ఈ సందర్భంగా ఎస్పీ మాట్లాడుతూ క్రమశిక్షణతో పని చేసి మునుముందు ప్రమోషన్స్‌ కూడా పొందాలన్నారు.కుటుంబసభ్యులతో సంతోషాన్ని పంచుకోవాలని కోరారు.సగర్వంగా, బాధ్యతగా విధులు నిర్వర్తించే సమాజంలో మంచి పేరు తెచ్చుకోవాలని, తద్వారా వ్యస్థకు కూడా మంచి పేరు వస్తుందన్నారు.ఆరోగ్యపరమైన జాగ్రత్తలు తీసుకోవాలని, మంచిఆహారపు అలవాట్లు కలిగి ఉండాలన్నారు.జిల్లాలో 31 మంది సివిల్‌ కానిస్టేబుల్స్‌కు హెడ్‌కానిస్టేబుల్‌గా ప్రమోషన్‌ కల్పిస్తూ ప్రభుత్వం ఉత్తర్వులు ఇచ్చామన్నారు.ఈ కార్యక్రమంలో స్పెషల్‌ బ్రాంచ్‌ ఇన్‌స్పెక్టర్‌ శ్రీనివాస్‌, పోలీసుసంఘం అధ్యక్షులు రామచందర్‌గౌడ్‌, సెక్షన్‌ సూపరింటెండెంట్‌ శ్రీకాంత్‌, ప్రమోషన్‌ పొందిన సిబ్బంది పాల్గొన్నారు.
