నవ తెలంగాణ- భువనగిరి రూరల్‌
             ఇంటింటా ఇన్నొవేటర్‌-2022 పోస్టర్‌ ను శుక్రవారం కలెక్టర్‌ కార్యాలయంలో జిల్లా కలెక్టర్‌ పమేలా సత్పతి ఆవిష్కరించారు. ఈ సందర్భంగా కలెక్టర్‌ మాట్లాడుతూ ఈ కార్యక్రమానికి జిల్లా నుండే అత్యధిక నామినేషన్‌ లు పంపి మొదటిస్థానంలో ఉన్నామని తెలిపారు. జిల్లాలోని అన్ని రంగాలలోని ప్రజల నుండి వాట్సప్‌ ద్వారా దరఖాస్తులు ఆహ్వానిస్తున్నట్టు తెలిపారు. గ్రామీణ ఆవిష్కరణలు, విద్యార్థుల ఆవిష్కరణలు, ప్రారంభ ఆవిష్కరణలు, సూక్ష్మ ,చిన్న తరహా పరిశ్రమలలో ఆవిష్కరణలు చేసేవారు అధిక నామినేషన్‌ లు పంపి జిల్లాను ముందు నిలపాలని కోరారు. అడిషనల్‌ కలెక్టర్‌ దీపక్‌ తివారి మాట్లాడుతూ ఆవిష్కరణకు సంబంధించిన 2 నిమిషాల వీడియోను 9100678543 నెంబర్‌కు వాట్సప్‌ ద్వారా పంపించాలన్నారు. ఆగస్టు5వ తేదీ వరకు దరఖాస్తు చేసుకోవాలని సూచించారు. ఎంపిక అయిన ఆవిష్కరణలను ఆగస్టు 15 న జిల్లలో జరిగే స్వాతంత్య్ర దినోత్సవ వేడుకలలో వాటిని ప్రదరర్శించే అవకాశం ఉంటుందని తెలిపారు . మరిన్ని వివరాలకు జిల్లా సైన్స్‌ అధికారి భరణి కుమార్‌ నంబరు 9000989726 ను సంప్రదించగలరని తెలిపారు. ఈ కార్యక్రమంలో జిల్లా అధికారులు, విద్యాశాఖ అధికారులు పాల్గొనారు.