- ప్రముఖ విద్యావేత్త ఎంఎస్‌.కృష్ణమూర్తి
నవతెలంగాణ-చౌటుప్పల్‌
            విద్యార్థులు బాగా చదివి ఉన్నత శిఖరాలు అధిరోహించాలని ప్రముఖ విద్యావేత్త ఎంఎస్‌.కృష్ణమూర్తి అన్నారు. మున్సిపల్‌ కేంద్రంలోని ప్రభుత్వ ఉన్నత పాఠశాలలో 1978-79 పదో తరగతి బ్యాచ్‌ పూర్వ విద్యార్థుల ఆధ్వర్యంలో గురువారం అదే పాఠశాలలో 2021-22 విద్యా సంవత్సరంలో పదో తరగతి, తొమ్మిదో తరగతిలో ప్రతిభ కనబర్చిన విద్యార్థులకు ఏర్పాటుచేసిన నగదుతోపాటు మెమోంటోలు, వికాసం కలిగించే పుస్తకాలను ఆయన అందజేశారు. విద్యార్థుల తల్లిదండ్రులను పూలమాలలు, శాలువాలతో ఘనంగా సన్మానించారు. అనంతరం ఆయన మాట్లాడుతూ ప్రభుత్వ బడి విలువల గుడి, అమ్మ ఒడిలాంటిదన్నారు. అక్షరంతోనే ఆనందం ఉందన్నారు. ఈ కార్యక్రమంలో ప్రధానోపాధ్యాయులు ప్రసాద్‌రావు, పూర్వ విద్యార్థులు బడుగు శ్రీరాములు, కల్లెం అంజిరెడ్డి, కర్నాటి సత్యనారాయణ, చింతల కరుణాకర్‌రెడ్డి, అంబటి ప్రమీల, బొబ్బిళ్ల వెంకటేశ్వర్‌కుమార్‌, గంగాపురం దశరథ, విద్యార్థులు పాల్గొన్నారు.