- తల్లిదండ్రులతో పాటు ఉద్దీపన ఎడ్యుకేషనల్‌ ఫౌండేషన్‌ కు మంచి పేరు తేవాలి
- మాజీ ఎమ్మెల్యే శ్రీ వేముల వీరేశం
నవతెలంగాణ -నకిరేకల్‌
ప్రతి ఒక్కరు పట్టుదలతో చదివి.. అనుకున్న ఉద్యోగం సాధించి.. తల్లిదండ్రులతో పాటు ఉచిత శిక్షణ అందిస్తున్న ఉద్దీపన ఫౌండేషన్‌ కు మంచి పేరు తేవాలని నకిరేకల్‌ మాజీ ఎమ్మెల్యే వేముల వీరేశం పేర్కొన్నారు. శుక్రవారం పట్టణంలోని శ్రీకష్ణ ఫంక్షన్‌ హాల్‌ లో ఉద్దీపన ఎడ్యుకేషనల్‌ ఫౌండేషన్‌ ఆధ్వర్యంలో మూడు నెలలుగా నిరుద్యోగులకు అందించిన ఉచిత కోచింగ్‌ ముగింపు కార్యక్రమం జరిగింది.ఈ ఆయన మాట్లాడుతూ ప్రస్తుతం ఎస్సై, కానిస్టేబుల్‌ శిక్షణ పొందుతున్న అభ్యర్థులు సైతం పరీక్షలు బాగా రాసి మంచి ఫలితాలు పొందాలని ఆకాంక్షించారు అనంతరం వారికి మెటీరియల్‌ అందజేశారు. ఈ కార్యక్రమంలో ఆల్‌ ఇండియా జర్నలిస్ట్‌ యూనియన్‌ నాయకులు శ్రీనివాస్‌ రెడ్డి , జిహెచ్‌ఎంసి కమిషనర్‌ యాదగిరి రావు, %V%3 న్యూస్‌ అధినేత కాచం సత్యనారాయణ ,రెడ్‌ క్రాస్‌ చైర్మన్‌ అమరెందర్‌ రెడ్డి , బి.సి ఫైనాన్స్‌ కార్పొరేషన్‌ మాజీ చైర్మన్‌ పూజర్ల శంబయ్య, స్థానిక నాయకులు పాల్గొన్నారు.
