- కేజీకేఎస్‌ జిల్లా ప్రధానకార్యదర్శి జయరాములు
నవతెలంగాణ -ఆలేరురూరల్‌
                ఉమ్మడి నల్లగొండ జిల్లా కల్లుగీత కార్మిక సంఘం ఉద్యమ నిర్మాత. సంఘం రాష్ట్ర నాయకులు అమరజీవి సుదగాని ఎట్టయ్య ఆశయాలను ముందుకు తీసుకెళ్తామని కల్లు గీత కార్మిక సంఘం జిల్లా కమిటీ ప్రధాన కార్యదర్శి బొలగాని జయరాములు తెలిపారు. మంగళవారం మండలంలోని శర్బనపురం గ్రామంలో అమరుల యాది సభలో మొదటగా సుధ గాని ఎట్టయ్య చిత్రపటానికి పూలమాలలు వేసి జోహార్లు అర్పించారు. ఈ సందర్భంగా ఆయన మాట్లాడుతూ ఆలేరు ప్రాంతంలో తాటి చెట్ల పన్ను పెంచాలని ఆలా పెంచితేనే తాటి చెట్లు ఎక్కనిస్తామని భూమి పట్టాదారులు బెదిరిస్తున్న క్రమంలో గీత కార్మికుల పక్షాన నిలబడి చెట్టు పన్నులు పెంచకుండా కొట్లాడిన వ్యక్తి ఏట్టయ్య అన్నారు. అలా గీత కార్మికుల సంక్షేమానికి అనేక రకాల ఉద్యమాలను ఈ ప్రాంతంలో నిర్మించి గీతకార్మికుల కుటుంబాల అభివద్ధి కి బాసటగా నిలిచిన ఎట్టయ్యను కల్లు గీత కార్మికులు ఎప్పుడు మర్చిపోరన్నారు. ఈ కార్యక్రమంలో ఎట్టయ్య సతీమణి సుధాగాని చంద్ర కళ, ఆ సంఘం జిల్లా ఉపాధ్యక్షుడు దూపాటి వెంకటేష్‌ , జిల్లా కమిటీ సభ్యులు సుదగానీ సత్య రాజయ్య,మాజీ సర్పంచ్‌ సూధ గాని నరసమ్మ, గ్రామ సొసైటీ అధ్యక్షులు సుదగాని పరశురాములు, గడ్డమీది రామచంద్రయ్య, గడ్డమీది యాదగిరి, సుధగాని రాజు, సూదగాని కొమరమ్మ ,కలమ్మ. రాములమ్మ, గడ్డమీది లక్ష్మి. బుచ్చమ్మ పాల్గొన్నారు.