నవతెలంగాణ -ఆలేరుటౌన్‌
స్వతంత్ర భారత వజ్రోత్సవాలలో పురపాలక సంఘంలో శనివారం జిల్లా ప్రజా పరిషత్‌ ఉన్నత పాఠశాల ఆవరణలో ముగ్గుల పోటీలు నిర్వహించారు .మున్సిపల్‌ కమిషనర్‌ మారుతీ ప్రసాద్‌ పోటీలను పర్యవేక్షించారు . ఈ పోటీలలో దివ్య మొదటి బహుమతి, దేవి రెండవ బహుమతి, సరస్వతి 3వ బహుమతి ,మహేశ్వరి 4వ బహుమతి గెలుపొందారు .పురపాలక వైస్‌ చైర్మెన్‌ఎం మాధవి ,కమిషనర్‌ మారుతీ ప్రసాద్‌ విజేతలకు బహుమతులు ప్రదానం చేశారు. ఈ కార్యక్రమంలో వార్డు కౌన్సిలర్లు ,ఆర్పీలు, సంఘ సభ్యులు, విద్యార్థులు ,మహిళలు అధిక సంఖ్యలో పాల్గొన్నారు.
రామన్నపేట: మండలంలోని సిరిపురం గ్రామపంచాయతీ కార్యాలయం ఆవరణలో 75వ స్వతంత్ర భారత వజ్రోత్సవాలలో భాగంగా శనివారం ముగ్గులపోటీ నిర్వహించారు. ఈ సందర్భంగా స్థానిక జెడ్పీటీసీ పున్న లక్ష్మీ జగన్మోహన్‌ విజేతలకు బహుమతులు ప్రదానం చేశారు.ఈ కార్యక్రమంలో సర్పంచ్‌ అప్పం లక్ష్మీ నర్సు, ఎంపీటీసీ బడుగు రమేష్‌, పంచాయతీ కార్యదర్శి జ్యోతి, ఉపసర్పంచ్‌ దాసిరెడ్డి శ్రవణ్‌ కుమార్‌ రెడ్డి, సీనియర్‌ మెటు కునూరు సుష్మ శ్రవణ్‌, అంగన్వాడీ టీచర్లు, విబికే లు, ఆశ కార్యకర్తలు, మహిళలు గ్రామపంచాయతీ సిబ్బంది తదితరులు పాల్గొన్నారు.
