- మాజీ ఎమ్మెల్యే కూసుకుంట్ల ప్రభాకర్‌రెడ్డి
నవతెలంగాణ-చౌటుప్పల్‌
మునుగోడు నియోజకవర్గంలో రానున్న శాసనసభ ఉప ఎన్నికల్లో టీఆర్‌ఎస్‌ పార్టీ విజయం తథ్యమని మునుగోడు మాజీ ఎమ్మెల్యే కూసుకుంట్ల ప్రభాకర్‌రెడ్డి ధీమా వ్యక్తంచేశారు. గురువారం మున్సిపల్‌ కేంద్రంలోని ఆ పార్టీ కార్యాలయంలో ముఖ్య నాయకుల సమావేశం ఆ పార్టీ మున్సిపల్‌ అధ్యక్షులు ముత్యాల ప్రభాకర్‌రెడ్డి అధ్యక్షతన నిర్వహించారు. ఈ సందర్భంగా ఆయన మాట్లాడుతూ టీఆర్‌ఎస్‌ పార్టీ విజయం కోసం ప్రతి కార్యకర్త సైనికునిలా పనిచేయాలన్నారు. రాజగోపాల్‌రెడ్డిని ఓడించి ప్రజలు తగిన గుణపాఠం చెప్పేందుకు సిద్ధంగా ఉన్నారన్నారు. సీఎం కేసీఆర్‌ బలపర్చిన మునుగోడు అభ్యర్థి కారు గుర్తుకు ఓట్లు వేసి భారీ మెజార్టీతో గెలిపించాలని కోరారు. ఈ సమావేశంలో మున్సిపాలిటీ, మార్కెట్‌, సింగిల్‌విండో ఛైర్మన్లు వెన్‌రెడ్డి రాజు, బొడ్డు శ్రీనివాస్‌రెడ్డి, చింతల దామోదర్‌రెడ్డి, నాయకులు గుండెబోయిన వెంకటేశ్‌, ఉడుగు మల్లేశ్‌గౌడ్‌, కోరగోని లింగస్వామి, బొడిగె బాలకృష్ణ, ఎమ్‌డి.ఖలీల్‌, తాడూరి పరమేశ్‌, దేవరపల్లి గోవర్థన్‌రెడ్డి, తొర్పునూరి నర్సింహాగౌడ్‌, ముటుకులోజు దయాకరచారి, ఊదరి నర్సింహా, కట్కూరి కిరణ్‌, బాలగోని గణేశ్‌గౌడ్‌, సతీశ్‌గౌడ్‌, రావుల ముత్యాలు, దాసు పాల్గొన్నారు.
