- తెలంగాణ సాయుధ పోరాట యోధురాలు మల్లు స్వరాజ్యం స్మారక భవనానికి శంకుస్థాపన
- సీపీఐ(ఎం) జిల్లా కార్యదర్శి మల్లు నాగార్జునరెడ్డి
నవతెలంగాణ-సూర్యాపేట
తుంగతుర్తి నియోజకవర్గంలోని అర్వపల్లిలో తెలంగాణ సాయుధ పోరాట యోధురాలు మల్లు స్వరాజ్యం స్మారకభవనాన్ని నిర్మించనున్నట్టు , సీపీఐ(ఎం) జాజిరెడ్డిగూడెం మండల కార్యాలయనిర్మాణ పనులకు శంకుస్థాపన చేసేందుకు పార్టీ జాతీయ కార్యదర్శి సీతారాం ఏచూరి హాజరౌతున్నట్టు జిల్లా కార్యదర్శి మల్లు నాగార్జునరెడ్డి తెలిపారు.శుక్రవారం స్థానిక ఎంవీఎన్‌.భవన్‌లో జిల్లా కమిటీ సభ్యులు కోటగోపి అధ్యక్షతన నిర్వహించిన జిల్లా బాధ్యుల సమావేశంలో ఆయన మాట్లాడారు.తెలంగాణ సాయుధపోరాటవారోత్సవాలలో భాగంగా సాయుధ పోరాటానికి కేంద్రంగా ఉన్న అర్వపల్లికి వస్తున్న సీతారాం ఏచూరిసభను జయప్రదం చేయాలని పిలుపునిచ్చారు.ఏచూరికి తిరుమలగిరిలో ఘనస్వాగతం పలుకు తామన్నారు. ఈ సమావేశంలో జిల్లా కమిటీ సభ్యులు కొలిశెట్టి యాదగిరిరావు, ఎలుగూరి గోవింద్‌, దండా వెంకటరెడ్డి, చెరుకు యాకలక్ష్మి, వేల్పుల వెంకన్న, పులుసు సత్యం, మేకనబోయినసైదమ్మ, శేఖర్‌, ఎల్గూరి జ్యోతి, చినపంగి నర్సయ్య, వీరబోయినరవి, జాజిరెడ్డిగూడెం మండల కార్యదర్శి వజ్జె శ్రీనివాస్‌ పాల్గొన్నారు.
