నవతెలంగాణ-నార్కట్‌పల్లి
సృష్టిలో ఉన్న సకల కళలకు ఆరాధ్య దైవం శ్రీమద్విరాట్‌ విశ్వకర్మ భగవాన్‌ అని ఎంపీపీ సూది రెడ్డి నరేందర్‌ రెడ్డి అన్నారు. మండల కేంద్రంలోని శ్రీమద్విరాట్‌ పోతులూరి వీర బ్రహ్మేంద్ర స్వామి దేవాలయంలో శనివారం మద్విరాట్‌ విశ్వకర్మ జయంతి మహౌత్సవాన్ని పురస్కరించుకొని నిర్వహించిన విశ్వకర్మ యజ్ఞంలో ఆయన ముఖ్య అతిథిగా పాల్గొని ప్రత్యేక పూజలు చేశారు. అనంతరం మాట్లాడుతూ సృష్టిలోని అన్ని రంగాల వాళ్ళు ఆరాధించవలసిన దైవం విశ్వకర్మ అన్నారు. ఈ కార్యక్రమంలో సర్పంచ్‌ దూదిమెట్ల స్రవంతి, మాజీ జెడ్పిటిసి దూదిమెట్ల సత్తయ్య, టిఆర్‌ఎస్‌ మండల పార్టీ అధ్యక్షులు కరుణాకర్‌ రెడ్డి, పట్టణ శాఖ అధ్యక్షులు విష్ణుమూర్తి ఎంపీటీసీ చిరుమర్ధి యాదయ్య, తదితరులు పాల్గొన్నారు.
మీ స్నేహితులకు రికమెండ్ చెయ్యండి
