- కలెక్టర్‌ పమేలాసత్పతి
నవతెలంగాణ-భువనగిరిరూరల్‌
            జిల్లాలో ప్రజలు, ప్రజాప్రతినిధులు, మహిళల భాగస్వామ్యంతో తెలంగాణ జాతీయ సమైక్యతా వజ్రోత్సవాలు ఘనంగా జరిగాయని కలెక్టర్‌ పమేలాసత్పతి తెలిపారు.ఆదివారం జిల్లా కలెక్టరేట్‌ సమావేశ మందిరంలో స్వాతంత్య్రసమరయోధులకు సన్మానం, సాంస్కృతిక కార్యక్రమాలు నిర్వహించారు. వివిధ పాఠశాలల విద్యార్థినులు ప్రదర్శించిన కళారూపాలు అందర్ని అలరించాయి.అనంతరం స్వాతంత్య్రసమరయోధులు బత్తిని యాదగిరిగౌడ్‌, మన్నె గోపాల్‌ రెడ్డి, ఎడ్ల నారాయణ రెడ్డి, బండ్రు నరసింహ కుమారుడు ప్రభాకర్‌, రావుల సత్తయ్య కుమారుడు హరిబాబులను కలెక్టర్‌, డిప్యూటీ కమిషనర్‌ ఆఫ్‌ పోలీస్‌ నారాయణరెడ్డి, జిల్లా రెవెన్యూ అడిషనల్‌ కలెక్టర్‌ డి.శ్రీనివాస్‌రెడ్డి సన్మానించారు.ఈ సందర్భంగా కలెక్టర్‌ మాట్లాడుతూ తెలంగాణ జాతీయ సమైక్యతా వజ్రోత్సవాలను ప్రజలు, మహిళలు, ప్రజాప్రతినిధుల సహకారంతో ఈనెల 16, 17, 18వ తేదీలలో ఘనంగా జరిగాయని తెలిపారు.16వ తేదీన భువనగిరి, ఆలేరు నియోజకవర్గాలలో నిర్వహించిన ర్యాలీలలో ప్రజలు, మహిళలు, ప్రజాప్రతినిధులు పెద్దఎత్తున పాల్గొన్నారని తెలిపారు.17వ తేదీన తెలంగాణ జాతీయ సమైక్యత దినోత్సవం పురస్కరించుకొని జిల్లాకేంద్రంలో, డివిజన్‌, మండలాలు, గ్రామాలలో జాతీయ పతాకావిష్కరణ కార్యక్రమాలు ఘనంగా జరిగాయని తెలిపారు.18వ తేదీన సాంస్కృతిక కార్యక్రమాలు, స్వాతంత్య్ర సమరయోధుల సన్మాన కార్యక్రమాలు ఏర్పాటు చేసుకున్నామన్నారు.ఈ కార్యక్రమంలో డీఈఓ నారాయణరెడ్డి, కలెక్టరేట్‌ పరిపాలన అధికారి నాగేశ్వరాచారి, ఎస్సీ కార్పొరేషన్‌ ఈడీ శ్యాంసుందర్‌, జిల్లా బీసీ సంక్షేమఅధికారి యాదయ్య, జిల్లా గిరిజన సంక్షేమ అధికారి మంగ్తానాయక్‌, జిల్లా పౌరసంబంధాల అధికారి పి. వెంకటేశ్వరరావు, జిల్లా యువజన సంక్షేమఅధికారి ధనంజరు, అధికారులు పాల్గొన్నారు.