నవతెలంగాణ-చౌటుప్పల్‌
నేడు చౌటుప్పల్‌ పట్టణకేంద్రంలో నిర్వహించనున్న టీఆర్‌ఎస్‌ పార్టీ కార్యకర్తల ఆత్మీయ సమ్మేళనాన్ని (వన భోజనం) విజయవంతం చేయాలని ఆ పార్టీ రాష్ట్ర ప్రధానకార్యదర్శి, ఎమ్మెల్సీ తక్కెళ్లపల్లి రవీందర్‌రావు, ఎమ్మెల్యే శానంపూడి సైదిరెడ్డిలు, మునుగోడు మాజీ ఎమ్మెల్యే కూసుకుంట్ల ప్రభాకర్‌రెడ్డి కోరారు. సోమవారం మున్సిపల్‌ కేంద్రంలోని ఆ పార్టీ కార్యాలయంలో మండల అధ్యక్షులు గిరికటి నిరంజన్‌గౌడ్‌ అధ్యక్షతన గ్రామశాఖ అధ్యక్షుల సమావేశం నిర్వహించారు. ఈ సందర్భంగా వారు మాట్లాడుతూ ప్రతి టీఆర్‌ఎస్‌ కార్యకర్తా తన కుటుంబసమేతంగా రావాలని కోరారు. ఈ సమ్మేళనంలో సాంస్కృతిక, జానపద గేయాలు, కోలాటాలు, తెలంగాణ ఆటపాటలు నిర్వహించనున్నట్టు తెలిపారు.ఈ సమావేశంలో సింగిల్‌విండో చైర్మెన్‌ చింతల దామోదర్‌రెడ్డి, సర్పంచ్‌లు మునగాల ప్రభాకర్‌రెడ్డి, శ్రీనివాస్‌రెడ్డి, నాయకులు ఢిల్లీ మాధవరెడ్డి, చిన్నం బాలరాజు, అల్మాసిపేట కృష్ణ, యాట యోగానందం, సుర్కంటి శ్రీనివాస్‌రెడ్డి, నారెడ్డి అభినందన్‌రెడ్డి, జాల మల్లేశ్‌యాదవ్‌ పాల్గొన్నారు.
