- మాజీ ఎమ్మెల్యే జూలకంటి రంగారెడ్డి, నల్లగొండ ఎంపీ ఉత్తమ్‌కుమార్‌రెడ్డి
నవతెలంగాణ-పాలకవీడు
ఉమ్మడి నేరేడుచర్ల మాజీ ఎంపీపీ, మార్కెట్‌ కమిటీచైర్మెన్‌, బొత్తలపాలెం సర్పంచ్‌ సేవలు మరువలేనివని సీపీఐ(ఎం) రాష్ట్ర కార్యదర్శివర్గ సభ్యులు జూలకంటి రంగారెడ్డి, నల్లగొండ ఎంపీ ఉత్తమ్‌కుమార్‌రెడ్డి, మాజీ ఎమ్మెల్యే తిప్పనవిజయసింహారెడ్డి అన్నారు.బుధవారం బొత్తలపాలెంలో చిన్నమల్లయ్య విగ్రహా ఏర్పాటు కార్యమ్రాన్ని కాంగ్రెస్‌, పార్టీశ్రేణులు హాజరై విజయవంతం చేశారు.ఈ సందర్భంగా పలువురు చిన్నమల్లయ్యసేవలను, ఆయనతో ఉన్న అనుబంధాన్ని పలువురు నాయకులు నెమరేసుకున్నారు. ఈసందర్భంగా జూలకంటిరంగారెడ్డి మాట్లాడుతూ పేద ప్రజల అభ్యున్నతికి, ఈ ప్రాంత అభివృద్ధికి అహర్నిశలు శ్రమించి, స్వప్రయోజనం కన్నా ప్రాంత అభివృద్ధికి పాటుపడ్డారన్నారు.ఆయన అడుగుజాడల్లో నేటితరం నాయకత్వం నడవాలని అభిప్రాయపడ్డారు. పార్టీలకతీతంగా ప్రజాభిమానాన్ని చూరగొన్న గొప్ప నాయకుడు చిన్న మల్లయ్య అన్నారు.నల్లగొండ ఎంపీ మాట్లాడుతూ చిన్నమల్లయ్య మృతి కాంగ్రెస్‌కు తీరనిలోటన్నారు.బొత్తలపాలెం గ్రామస్తుల విజ్ఞప్తి మేరకు అందె చిన్నమల్లయ్య పేరుతో గ్రంథాలయాన్ని ఏర్పాటు చేస్తామని హామీ ఇచ్చారు.మాజీ ఎమ్మెల్యే విజయసింహారెడ్డి మాట్లాడుతూ తాను ఎమ్మెల్యేగా ఉన్నప్పుడు బీసీ సామాజికవర్గం నుండి ఈ ప్రాంతంలో ఉత్తమవిలువలు కలిగిన నాయకుడిగా చిన్న మల్లయ్య ఉండడంచే రాజకీయంగా అవకాశాలు వచ్చాయన్నారు.ఈ కార్యక్రమంలో కాంగ్రెస్‌ మండల అధ్యక్షుడు సుబ్బారావు, ఎంపీపీ గోపాల్‌నాయక్‌, కోదాడ మున్సిపాలిటీ చైర్మెన్‌ లక్ష్మీ నారాయణ, సూర్యాపేట మాజీ మున్సిపల్‌ చైర్మెన్‌ జుట్టుకొండసత్యనారాయణ,సీపీఐ(ఎం) జిల్లా కమిటీ సభ్యులు పారేపల్లి శేఖర్‌రావు, మాజీ జెడ్పీటీసీ ముషం నర్సింహ,మల్లయ్య కుమారుడు అందే రాజు దొంగరి వెంకటేశ్వర్లు, కందగట్ల అనంతప్రకాష్‌, కాంగ్రెస్‌ సీనియర్‌ లీడర్‌ శివారెడ్డి, మాజీ జెడ్పీటీసీ పిడమర్తిరాజు, కొణతం చిన్నవెంకటరెడ్డి, వైసీపీ పిన్నెల్లిఉపేందర్‌, కాంగ్రెస్‌ పార్టీ గ్రామ శాఖ, మోతీలాల్‌నాయక్‌, జితేందర్‌రెడ్డి పాల్గొన్నారు.
