నవతెలంగాణ-మునగాల
           సీపీఐ(ఎం) కొక్కిరేణి గ్రామశాఖ సభ్యులు మామిడి రాములు అకాల మృతి బాధకరమని పార్టీ జిల్లా కార్యదర్శివర్గ సభ్యులు మేదరమెట్ల వెంకటేశ్వరరావు అన్నారు.గురువారం ఆయన భౌతికాయాన్ని సందర్శించి నివాళులర్పించారు.ఈ సందర్భంగా ఆయన మాట్లాడుతూ బుధవారం రాములు రోడ్డు ప్రమాదంలో మరణించడం బాధాకరమన్నారు.కొక్కిరేణి గ్రామంలో పార్టీ కార్యక్రమాలు, ప్రజా సమస్యల పరిష్కారం కోసం కృషి చేశారని కొనియాడారు.క్రమశిక్షణ కలిగిన కార్యకర్తగా గ్రామంలో అందరి మన్నలను పొంది గుర్తింపు తెచ్చుకున్నారని చెప్పారు. పార్టీ పట్ల అంకితభావంతో పనిచేసే గొప్పనాయకులన్నారు.అనంతరం జరిగిన అంతిమయాత్ర కార్యక్రమంలో వ్యవసాయ కార్మిక సంఘం జిల్లా అధ్యక్షులు ములకలపల్లి రాములు, కోదాడ పట్టణ కార్యదర్శి మిట్టగణుపుల ముత్యాలు, మేళ్ళచెర్వు మండల కార్యదర్శి వట్టెపు సైదులు, రైతుసంఘం రాష్ట్ర కమిటీ సభ్యులు ఎస్‌కె.సైదా, శాఖ కార్యదర్శి నందిగామసైదులు, మాజీ సర్పంచ్‌ రావులపెంటవెంకన్న, ఉపసర్పంచ్‌ రావులపెంట బ్రహ్మం, పార్టీ మండల కమిటీ సభ్యులు రేఖ లింగయ్య,నాయకులు ములకలపల్లి సైదులు, ఇంటూరు హుస్సేన్‌, తదితరులు పాల్గొన్నారు.