నవతెలంగాణ-బీబీనగర్‌
యువత క్రీడ నైపుణ్యాన్ని పెంపొందించుకోవాలని భువనగిరి ఎమ్మెల్యే ఫైళ్ళ శేఖర్‌రెడ్డి అన్నారు.ఆదివారం ఎంపీపీ యెర్కల సుధాకర్‌గౌడ్‌ ఆధ్వర్యంలో ఏర్పాటుచేసిన మండల స్థాయి క్రికెట్‌పోటీలను మండలంలోని రాయరావుపేట గ్రామంలో ఆయన ప్రారంభించారు.ఈసందర్భంగా ఆయన మాట్లాడుతూ గ్రామీణ యువకుల్లో క్రీడా నైపుణ్యాన్ని వెలికితీయడం కోసం పోటీలు నిర్వహించిన సుధాకర్‌గౌడ్‌ను అభినందించారు. నేటి సమాజంలో యువత సెల్‌ఫోన్లకు, ఇతరత్రా చెడు అలవాట్లకు బానిసలు కాకుండా క్రీడలపై మొగ్గుచూపాలని కోరారు.క్రీడలతో మానసిక ప్రశాంతత కలుగుతుందన్నారు.ఈ కార్యక్రమంలో వైస్‌ఎంపీపీ వాకిటి గణేష్‌రెడ్డి, పీఏసీఎస్‌ చైర్మెన్‌ మెట్టు శ్రీనివాస్‌రెడ్డి,ఎంపీటీసీ యెర్కల విజయలక్ష్మి పాండురంగంగౌడ్‌, సర్పంచ్‌ బొర్ర సంతోష రమేష్‌, సింగిల్‌విండో డైరెక్టర్‌ సంకురినాగరాజ్‌, మార్కెట్‌ కమిటీ డైరెక్టర్‌ సుర్కంటిసుధాకర్‌రెడ్డి, చీరఐలయ్య, సర్పంచులు ప్రేమలత సుభాష్‌రెడ్డి, గణేష్‌యాదవ్‌, అరిగె సుదర్శన్‌, మొరిగాడి బాలమల్లేష్‌గౌడ్‌, దేవరకొండ వేణుగోపాల్‌, జయమ్మ, వెంకటేష్‌, తదితరులు పాల్గొన్నారు.
