నవతెలంగాణ-చౌటుప్పల్‌
చౌటుప్పల్‌ టీఎస్‌ ఆర్టీసీ బస్టాండ్‌ ఆవరణలో ఏర్పాటుచేసిన లాజిస్టిక్‌ పాయింట్‌ను శుక్రవారం నార్కట్‌పల్లి డిపో మేనేజర్‌ వెంకటమ్మ ప్రారంభించారు. ఈ సందర్భంగా ఆమె మాట్లాడారు. లాజిస్టిక్‌ పాయింట్‌ను ఏజెంట్‌ ద్వారా నడిపించనున్నట్టు తెలిపారు. టీఎస్‌ ఆర్టీసీ లాజిస్టిక్‌ ద్వారా క్విక్‌ డెలివరీ 99 ప్లాన్‌ గురించి వివరించారు. ఉదయం 12 గంటలలోపు బుక్‌ అయిన పార్శిల్‌ను(కిలో లోపు) అదేరోజు రాత్రి 9 గంటలలోపు తెలంగాణలోని 99 కౌంటర్లకు డెలివరీ చేసే సౌకర్యాన్ని అందిస్తున్నామని తెలిపారు. కర్ణాటక, మహారాష్ట్ర, ఆంధ్రప్రదేశ్‌, తెలంగాణలోని అన్ని బస్టాండ్‌ ఏజెంట్ల ద్వారా బుకింగ్‌ చేసుకొని డెలివరీ చేసుకునే అవకాశం ఉందన్నారు. వేగంగా, భద్రంగా, చేరువగా మీ పార్శిల్‌ పంపుకొని ఆర్టీసీని ఆదరించాలని ప్రజలను కోరారు. ఈ కార్యక్రమంలో ఆర్‌ఎంఈ కె.శ్యామ్‌కుమార్‌, డీఎంఈ పి.యాదయ్య, ఏజెంట్‌ నందగిరి శివశంకర్‌, బి.రామచంద్రం, ఎమ్‌డి.ఫిరోజ్‌, రసూల్‌ పాల్గొన్నారు.
