- దాతల సహాయం కోసం ఎదురుచూపు
నవతెలంగాణ-కోదాడరూరల్‌
నేషనల్‌ ఛాంపియన్షిప్ క్రీడా పోటీలకు సంజన శ్రీలక్ష్మీలు ఎంపిక కావడంతో గ్రామస్తులు శనివారం అభినందించారు.ఈ సందర్భంగా అనంతగిరి మండలం ఖానాపురం గ్రామానికి చెందిన ఏలుగూరి శ్రీలక్ష్మి కబడ్డీలో, గాదె సంజన వాలీబాల్‌లో ఉత్తమ ప్రతిభ కనబరిచి ఈనెల 17న మధ్యప్రదేశ్‌లో నిర్వహిస్తున్న ఆరో యూత్‌ గేమ్స్‌ నేషనల్‌ ఛాంపియన్‌షిప్‌కు సెలక్టయినట్టు ఎస్‌వీజేసీ ద్రోణాచార్య డిఫెన్స్‌ అకాడమీ కరీంనగర్ చెందిన కోచ్‌ గాదె వేణుగోపాల్‌ (నాని)తెలిపారు.అనంతరం నేపాల్‌లో ఈనెల 24 నుండి నిర్వహించే యూత్‌ గేమ్స్‌ ఇంటర్నేషనల్‌ ఛాంపియన్‌షిప్‌లో కూడా ఇరువురు అర్హత సాధించినట్టుగా పేర్కొన్నారు.ఈ సందర్భంగా శ్రీ లక్ష్మీ సంజనాను గ్రామస్తులు ప్రత్యేకంగా అభినందించారు.
ఆర్థిక ఇబ్బందులు :క్రీడలలో మంచి ప్రతిభ కనపరుస్తున్న శ్రీలక్ష్మీ సంజన ఆర్థికంగా ఇబ్బందులు పడాల్సిన పరిస్థితి.ఈనెల17న మధ్యప్రదేశ్‌కు వెళ్లేందుకు సుమారు 20వేలకు పైన డబ్బులు అవసరం ఉండడంతో, మట్టిలో మాణిక్యాలు లాంటి విద్యార్థినులు క్రీడలలో రాణిస్తూ మన రాష్ట్ర తరపున మంచి ప్రతిభ కనబరిచేందుకు సిద్ధంగా ఉన్నా ఆర్థికంగా లేకపోవడంతో ఇబ్బందులు పడు తున్నారు.దాతలు ఎవరైనా ఉంటే సహాయం చేయాలంటూ వేడుకుంటున్నారు.
