నవతెలంగాణ-హుజూర్‌నగర్‌
పెరుగుతున్న నిత్యావసరాల ధరలకనుగుణంగా రైస్‌మిల్లు డ్రైవర్ల వేతనాలు పెంచాలని టీఎన్‌టీయూసీ రాష్ట్ర ప్రధాన కార్యదర్శి శీతల రోశపతి, ఐఎన్‌టీయూసీ నియోజకవర్గ అధ్యక్షుడు బెల్లంకొండ గురువయ్య డిమాండ్‌ చేశారు.సోమవారం మిల్లు డ్రైవర్లతో జరిగిన సమావేశంలో వారు మాట్లాడారు.యజమాన్యం కార్మికులు ఇప్పటికే వేతనాల పెంపు విషయంలో మూడుసార్లు చర్చలు జరిగాయని తెలిపారు.పెంపులో ఒక అంగీకారానికి రాలేకపోయారన్నారు.ఐఎన్‌టీయూసీ, బీఆర్‌ఎస్‌కేవీ, సీఐటీయూ,టీఎన్‌టీయూసీ కమిటీల ఆధ్వర్యంలో జరిగిన ఈ సమావేశంలో ఆకం కోటేశ్వరరావు చలవాది సైదులు చింతకాయల పర్వతాలు మాట్లాడారు.యజమాన్యం నిర్లక్ష్యం చేయకుండా డ్రైవర్ల వేతనాల పెంపు విషయంలో వెంటనే న్యాయపరమైన నిర్ణయం తీసుకోవాలన్నారు. రైస్‌మిల్లుల యాజమాన్యాలు స్పందించి సమస్యను పరిష్కరించాలన్నారు.ఈ కార్యక్రమంలో చింతకాయల రాము,వీరబాబు, కంకణాల రామయ్య, సీహెచ్‌.మల్లయ్య, తిరుపతయ్య, వెంకట్‌రెడ్డి తదితరులు పాల్గొన్నారు.
