నవతెలంగాణ-తిరుమలగిరి
వాసిరెడ్డి సోమిరెడ్డి మృతి సీపీఐకి తీరనిలోటని ఆ పార్టీ జాతీయ కౌన్సిల్‌ సభ్యులు పల్లా వెంకట్‌రెడ్డి అన్నారు.మండలంలోని తొండ గ్రామంలో సోమిరెడ్డి సంతాపసభ నిర్వహించారు.ఈ సందర్భంగా సోమి రెడ్డి చిత్రపటానికి ఆయన పూలమాలలేసి నివాళులర్పించారు.అనంతరం మాట్లాడుతూ సోమిరెడ్డి భూస్వామ్య కుటుంబంలో జన్మించి మొదటి నుండి కార్మికవర్గ దృక్పథంతో కమ్యూనిస్టు పార్టీలో కొనసాగారన్నారు.మండలంలో రైతు సమస్యలపై, పేదల పక్షాన అనేక ఉద్యమాలు నిర్వహించారని గుర్తు చేశారు. ఈ కార్యక్రమంలో పార్టీ రాష్ట్ర కార్యవర్గ సభ్యులు గన్న చంద్రశేఖర్‌, జిల్లా కార్యదర్శి బెజవాడవెంకటేశ్వర్లు, కార్యవర్గ సభ్యులు ఎల్లాంలయాదగిరి, కంబాలశ్రీను,మూరగుండ్ల లక్ష్మయ్య, తొట్ల ప్రభాకర్‌, తిరుమలగిరి మాజీఎంపీపీ కొత్తగట్టుమల్లయ్య, ఎండి ఇక్బాల్‌, కనుక అశోక్‌, తిప్పిరాల శ్రీకాంత్‌, ఎల్లాంల కొమురెల్లి, వెంకన్న తదితరులు పాల్గొన్నారు.
