- 27న ఎదుర్కోలు 28న కల్యాణం
- మార్చి 3న బ్రహ్మోత్సవాల ముగింపు
నవతెలంగాణ- యాదగిరిగుట్ట
         తెలంగాణ తిరుపతిగా వెలుగొందుతున్న శ్రీ లక్ష్మీనరసింహస్వామి వార్షిక బ్రహ్మోత్సవాలు ఈనెల 21 నుండి వచ్చేనెల మూడో తేదీ వరకు జరుగుతాయని దేవస్థానం ఇన్‌చార్జ్జి ఈవో రామకృష్ణారావు తెలిపారు మంగళవారం కొండపైన ఆయన విలేకరులతో మాట్లాడుతూ 21న స్వస్తివచనంతో బ్రహ్మోత్సవాలు ప్రారంభమవుతాయని 27న స్వామివారి ఎదుర్కోలు, 28న స్వామివారి తిరు కల్యాణ మహోత్సవం ,మార్చి 1న దివ్య విమాన రథోత్సవం ,చేపట్టి మూడో తేదీన అష్టోత్తర శతకటాభిషేకంతో బ్రహ్మోత్సవాలకు ముగింపు పలుకుతామన్నారు ,స్వామివారి కల్యాణం రోజున ప్రభుత్వం తరఫున ముఖ్యమంత్రి కేసీఆర్‌ పట్టు వస్త్రాలు సమర్పిస్తారని తెలిపారు.బ్రహ్మోత్సవాల సందర్భంగా ఈనెల 21 నుండి వచ్చే నెల మూడో తేదీ వరకు ఆలయంలో నిర్వహించే అర్జిత సేవలు సుదర్శన నరసింహ హోమం ,నిత్య కల్యాణం ,శాశ్వత బ్రహ్మోత్సవాలను ,తాత్కాలికంగా రద్దు చేస్తున్నట్లు వివరించారు.ఈ సమావేశంలో దేవస్థానం అనువంశిక ధర్మకర్త నరసింహా మూర్తి అధికారులు పాల్గొన్నారు.