నవతెలంగాణ-చిట్యాలటౌన్‌
చిట్యాల మున్సిపాలిటీ లో చేపట్టిన అభివృద్ధి పనులను త్వరగా పూర్తి చేయాలని జిల్లా కలెక్టర్‌ టి వినయ్ క్రిష్ణా రెడ్డి ఆదేశించారు.మంగళ వారం కలెక్టర్‌ చిట్యాల మున్సిపల్‌ కార్యాలయం లో మున్సిపాలిటీ లో చేపట్టిన వివిధ అభివృద్ధి పనులపై మున్సిపల్‌ కమిషనర్‌ మందడి రామ దుర్గారెడ్డి తో సమీక్షించారు. మున్సిపాలిటీ లో చేపట్టిన సమీకృత వెజ్‌ నాన్‌ వెజ్‌ మార్కెట్‌ నిర్మాణ పనులు వేగవంతం చేయాలన్నారు. మూడు వైకుంఠ ధామం ల నిర్మాణం చేపట్టి ఒకటి పూర్తి చేయగా, పట్టణ ప్రగతి కింద ఒకటి,స్పెషల్‌ గ్రాంట్‌ కింద ఒకటి,రెండు వైకుంఠ ధామం లు పురోగతి లో నున్నట్ల్లు మున్సిపల్‌ కమిషనర్‌ రాందుర్గా రెడ్డి వివరించారు.అదే విధంగా పట్టణ ప్రగతి లో ట్రీ పార్క్‌ లు వార్డ్‌ కు ఒకటి చొప్పున 12 వార్డ్‌ లలో ఏర్పాటు చేయాలని చేపట్టగా అరు వార్డ్‌ లలో పూర్తి చేసినట్లు, ఆరు వార్డ్‌ లలో స్థలం గుర్తించినట్లు తెలుపగా త్వరగా పూర్తి చేయాలని కలెక్టర్‌ ఆదేశించారు. నర్సరీలు ఏర్పాటు పై సమీక్షించి సూచనలు చేశారు. ఈ కార్యక్రమంలో కౌన్సిలర్‌ బెల్లి సత్తయ్య, మేనేజర్‌ నుజహాత్‌ ఫాతిమా, జూ అసిస్టెంట్‌ వెంకన్న, సిబ్బంది తదితరులు పాల్గొన్నారు.
