- ఎంపీపీ నెమ్మాది భిక్షం
నవతెలంగాణ-పెన్‌పహాడ్‌
క్రీడా పోటీలు నిర్వహించడం అభినందనీయమని ఎంపీపీ నెమ్మాది భిక్షం అన్నారు. మండల పరిధిలోని నాగులపహాడ్‌ గ్రామంలోని శ్రీశ్రీశ్రీ త్రికుటేశ్వర ఆలయ మహాశివరాత్రి ఉత్సవాలలో భాగంగా రెండవ రోజు కమిటీ ఏర్పాటు చేసిన ఉమ్మడి జిల్లాస్థాయి క్రీడలను ఆయన ప్రారంభించారు. ఈ సందర్భంగా ఆయన మాట్లాడుతూ క్రీడలలో క్రీడాకారులు గెలుపు ఓటములను సమానంగా భావించాలని, రానున్న రోజుల్లో జిల్లాను క్రీడారంగంలో ప్రథమ రంగంలో ఉంచాలన్నారు. ఈ కార్యక్రమంలో సర్పంచ్‌ రాయిలి లక్ష్మీశ్రీనివాస్‌, ఉత్సవ కమిటీ చైర్మెన్‌ సంకరమద్ది నిరంజన్‌రెడ్డి, గౌరవ అధ్యక్షులు సంకరమద్ది శ్రవణ్‌రెడ్డి, కొండ జానకిరాములు, పీఎసీఎస్‌ చైర్మెన్‌ నాతాల జానకిరాంరెడ్డి, అనంతుల శ్రీను, మీసాల దేవయ్య, మురళి, ఉత్సవ కమిటీ సభ్యులు గణేష్‌, ఒగ్గు సతీష్‌, మచ్చ బక్కయ్య, ఏపూరి నగేష్‌, మీసాల నాగయ్య, తదితరులు పాల్గొన్నారు.
