- సీఎం కేసీఆర్‌ను మించిన దార్శనికుడు లేడు
- మంత్రి జగదీశ్‌రెడ్డి
నవతెలంగాణ-సూర్యాపేట
జాతీయ స్థాయిలో బీజేపీని ఎదుర్కొనే శక్తి ముఖ్యమంత్రి కేసీఆర్‌కు మాత్రమే ఉందని దేశప్రజలు గుర్తించారని రాష్ట్ర విద్యుత్‌ శాఖామంత్రి గుంటకండ్ల జగదీష్‌ రెడ్డి స్పష్టం చేశారు.శుక్రవారం హైదరాబాద్‌లోని మంత్రుల నివాస ప్రాంగణంలో ఆయన మీడియాతో మాట్లాడారు.నాయకత్వ లేమితో కాంగ్రెస్‌ కొట్టు మిట్టాడుతున్నదన్నారు.ఇక్కడి గల్లీ కాంగ్రెస్‌ నాయకత్వంతో ఆ పార్టీ క్యాడర్‌ విసిగిపోయారన్నారు.అభివృద్ధి, ఎజెండాలు ఏమి లేకుండా బూత్‌ మాటలకే గల్లీ నాయకులు పరిమితం కావడంతో ఆ పార్టీ క్యాడర్‌ బీఆర్‌ఎస్‌లోకి బారులు తిరుతున్నారన్నారు.బీజేపీ, కాంగ్రెస్‌లతో తెలంగాణకు తీరని నష్ట వాటిల్లిందని విమర్శించారు.రాహుల్‌గాంధీ నేతృత్వంలో కాంగ్రెస్‌ నడపడం సాధ్యం కాదన్నది తేలిపోయిందన్నారు.బీఆర్‌ఎస్‌తోటే దేశానికి భవిష్యత్‌ ఉంటుందన్నారు.ప్రజల నూతన ఆకాంక్షలను నెరవేర్చేందుకే బీఆర్‌ఎస్‌ అవిర్భవించిందన్నారు.కేసీఆర్‌ను మించిన దార్శనికుడు లేడన్నారు.ఈ కార్యక్రమంలో జెడ్పీ వైస్‌చైర్మెన్‌ గోపగాని వెంకట్‌నారాయణగౌడ్‌,మున్సిపల్‌ వైస్‌చైర్మెన్‌ పుట్ట కిషోర్‌, కౌన్సిలర్లు తదితరులు పాల్గొన్నారు.
