నవతెలంగాణ-చౌటుప్పల్‌
          మహాత్మాగాంధీ యూనివర్శిటీ నల్లగొండ ప్రకటించిన మూడవ, ఐదవ సెమిస్టర్‌ ఫలితాల్లో చౌటుప్పల్‌ పట్టణంలోని శ్రీ గాయత్రి డిగ్రీ కళాశాల విద్యార్థులు 10/10 ఎస్‌జీపీఏ సాధించి విజయదుందుభి మోగించారు. బి.కామ్‌లో గొడుగు అఖిల 10/10, ఎంపీసీలో బాలెం నిఖిత 10/10, బీజడ్‌సీలో బొల్ల భవ్యశ్రీ 10/10, బద్రి దివ్య 10/10 ఎస్‌జీపీఏ సాధించారని, 9.88 ఎస్‌జీపీఏలో ఆరుగురు విద్యార్థులు, 9 ఎస్‌జీపీఏలో 40 మందికిపైగా విద్యార్థులు ప్రతిభ కనబరిచారని కళాశాల చైర్మెన్‌ బండారు మయూర్‌రెడ్డి, కరస్పాండెంట్‌ భీమిడి సుభాశ్‌రెడ్డి తెలిపారు. శనివారం కళాశాలలో ప్రతిభ కనబర్చిన విద్యార్థులకు పుష్పగుచ్చాలు అందించి, అభినందించారు. ఈ కార్యక్రమంలో ప్రిన్సిపాల్‌ చెన్నగాని అంజనేయులు, అధ్యాపకులు అనంతచారి, హరికృష్ణ, సంతోష, శ్రీను, అనూష, జ్యోతి, సంధ్య, రాజేశ్‌, రూప పాల్గొన్నారు.