నవతెలంగాణ-సూర్యాపేట
హైదరాబాద్ సెంట్రల్‌ యూనివర్సిటీ విద్యార్థి సంఘ ఎన్నికల్లో ఎస్‌ఎఫ్‌ఐ కూటమి ఘనవిజయం సాధించడం పట్ల ఆదివారం స్థానిక 60 అడుగుల రోడ్డులో ఎస్‌ఎఫ్‌ఐ జిల్లా కమిటీ ఆధ్వర్యంలో బాణాసంచా కాల్చి హర్షం వ్యక్తం చేశారు.ఈ సందర్భంగా ఆ సంఘం రాష్ట్ర ఉపాధ్యక్షుడు ధనియాకుల శ్రీకాంత్‌వర్మ మాట్లాడుతూ మతోన్మాద ఏబీవీపీ గూండాలు అరాచకం సృష్టించిన దాడులు, దౌర్జన్యాలు చేసిన విద్యార్థులు చైతన్యవంతమై ఎస్‌ఎఫ్‌ఐ కూటమికి పట్టం కట్టారన్నారు.అధ్యయనం, పోరాటం, నినాదాన్ని ముందుకు తీసుకుపోతు విద్యారంగ సమస్యల పరిష్కారం కోసం ఎస్‌ఎఫ్‌ఐ ఎల్లవేళలా కృషి చేస్తుందన్నారు.మతోన్మాద భావాలను విద్యార్థి ప్రపంచం తిరస్కరించిందన్నారు. ఈ కార్యక్రమంలో ఎస్‌ఎఫ్‌ఐ జిల్లా అధ్యక్షుడు బానోత్‌ వినోద్‌కుమార్‌, జిల్లా కార్యదర్శి జిల్లేపల్లి నర్సింహారావు, డీవైఎఫ్‌ఐ జిల్లా అధ్యక్ష, కార్యదర్శులు కాసాని కిషోర్‌,బోయిల్ల నవీన్‌, సానబోయిన ఉపేందర్‌, భద్రయ్య ,గడ్డం వినోద్‌, వినరు, పవన్‌, అరుణ్‌,లెనిన్‌ తదితరులు పాల్గొన్నారు.
