నవతెలంగాణ- నాంపల్లి
అంతర్జాతీయ మహిళా దినోత్సవాన్ని పురస్కరించుకొని శుక్రవారం నాంపల్లి మండల కేంద్రంలోని జిల్లా పరిషత్‌ ఉన్నత పాఠశాల విద్యార్థినిలకు ఐసీడీఎస్‌ ఆధ్వర్యంలో వ్యాసరచన పోటీలను నిర్వహించారు. గెలుపొందిన వారికి బహుమతులను అందజేశారు. ఈ సందర్భంగా ముఖ్య అతిథులుగా నాంపల్లి ఎంపీపీ ఏడుదొడ్ల శ్వేత రవీందర్‌, జెడ్పీటీసీ ఎలుగోటి వెంకటేశ్వర్‌రెడ్డి పాల్గొని మాట్లాడారు. మహిళలకు, బాలికలకు ప్రభుత్వం కల్పిస్తున్న అవకాశాలను, చట్టాలను గురించి తెలియజేశారు. ఈ సందర్భంగా ఈ సమావేశానికి హాజరైన మహిళ ప్రజా ప్రతినిధులను సన్మానించారు. ఈ కార్యక్రమంలో ఐసిడిఎస్‌ సిడిపిఓ లావణ్య కుమారి, తహసిల్దార్‌ చిలుకూరి లాల్‌ బహదూర్‌, మండల పరిషత్‌ అభివృద్ధి అధికారి కె శేషు కుమార్‌, అంగన్వాడి సూపర్వైజర్లు శశికళ, ప్రమీల, వసంత, సర్పంచ్‌ నాగులవంచ శ్రీలత, ఎంపిటిసి అన్నెపాక సరిత, నాంపల్లి మాజీ ఎంపీటీసీ కోరె ప్రమీల, పంచాయతీ కార్యదర్శి ఎండీ.సత్తర్‌, పాఠశాల ఉపాధ్యాయులు, అంగన్వాడీ టీచర్లు విద్యార్థులు పాల్గొన్నారు.
