నవతెలంగాణ-మాడుగులపల్లి
ముదిరాజ్‌ మహాసభ రాష్ట్ర అధ్యక్షులు బండ ప్రకాష్‌ ముదిరాజ్‌ శాసనమండలి డిప్యూటీ చైర్మెన్‌గా ప్రమాణ స్వీకారం చేసి మొదటిసారిగా నల్లగొండ జిల్లాకు వచ్చిన సందర్భంగా బండ ప్రకాష్‌ ముదిరాజును జిల్లా అధ్యక్షులు వెలుగు రవి ముదిరాజ్‌ ఆధ్వర్యంలో శుక్రవారం మాడుగులపల్లి మండల ముదిరాజ్‌ మహాసభ అధ్యక్షులు తవిటి సైదులు ముదిరాజ్‌ సన్మానించారు. ఈ కార్యక్రమంలో తవిటి లక్ష్మణ్‌, మండల ముదిరాజ్‌ నాయకులు పాల్గొన్నారు.
నల్లగొండరూరల్‌ :తెలంగాణ రాష్ట్ర శాసనమండలి డిప్యూటీ చైర్మన్‌గా నూతనంగా ఎన్నికైన బండ ప్రకాష్‌ ముదిరాజ్‌ నల్లగొండ జిల్లా కేంద్రానికి వచ్చిన సందర్భంగా తెలంగాణ రాష్ట్ర మత్స్యకారుల సంఘం తరఫున శుక్రవారం వారి కార్యాలయంలో సత్కరించి అభినందనలు తెలియజేశారు. ఈ సందర్భంగా మత్స్యకారుల సంఘం రాష్ట్ర అధ్యక్షుడు లోకనబోయిన వెంకటరమణ ముదిరాజ్‌ మాట్లాడారు. ఈ కార్యక్రమంలో టిఆర్‌ఎమ్మెస్‌ రాష్ట్ర కార్యదర్శి జోగు ఆంజనేయులు ముదిరాజ్‌, దాసరి సత్యనారాయణ ముదిరాజ్‌, రాష్ట్ర కోశాధికారి సింగారం మల్లయ్య ముదిరాజ్‌, నర్సింహ ముదిరాజ్‌, కనగల్‌ చెరువు మత్స్య సొసైటీ అధ్యక్షుడు బుక్క అంజయ్య చెరువు సొసైటీ సభ్యులు, నకిరేకల్‌ సొసైటీ అధ్యక్షుడు బండమీది నర్సింహ ముదిరాజ్‌, ఉపాధ్యక్షుడు తలారి సైదులు, కార్యదర్శి మెరుగు మైసయ్య, తదితరులు పాల్గొన్నారు.
