నవతెలంగాణ-హుజూర్‌నగర్‌రూరల్‌
మండలంలోని వేపలసింగారం సర్పంచ్‌ అన్నెం శిరీషకొండారెడ్డి, మహిళా విశిష్ట కీర్తి పురస్కారం 2023 అవార్డును అందుకున్నారు. సోమవారం రాత్రి హైదరాబాద్‌లోని రవీంద్రభారతిలో తార ఆర్ట్స్స్‌ అకాడమీ ఆధ్వర్యంలో అంతర్జాతీయ మహిళాదినోత్సవాన్ని పురస్కరించుకొని నిర్వహించిన మహిళా విశిష్ట పురస్కారం 2023 సంవత్సరం సేవానందిని అవార్డును రాష్ట్ర బీసీ కమిషన్‌ చైర్మెన్‌ వకులాపురం కృష్ణమోహన, సినినటీ మంజు భార్గవి చేతులమీదుగా ఆమె అందుకున్నారు.ఈ సందర్భంగా ఆమె మాట్లాడుతూ గ్రామపంచాయతీని అభివృద్ధి పథంలో నడిపించడంతో పాటు కరోనా కాలంలో 60 రోజుల పాటు గ్రామస్తుల సహకారంతో నిరుపేద కుటుంబాలకు ఉచిత అన్నదానం, నిత్యావసర సరుకులు పంపిణీ చేసిన సందర్భంగా సేవానందిని అవార్డును అందజేశారన్నారు.ఈ కార్యక్రమంలో తారా అకాడమీ సంస్థ చైర్మెన్‌ సంకె రాజేష్‌,సిని టెలివిజన్‌ ప్రముఖులు రోజా రమణి, వై.విజయ, శరోనిలౌన్‌, రాగిని, దివ్యవాణి, ప్రీతినిగమ్‌, ఢిల్లీ రాజేశ్వరి, పోతురాజు, రమేశ్‌బాబు, శ్వేతాకిరణ్‌, పలువురు సీనిటీవి నటులు, నృత్య కళాకారులు పాల్గొన్నారు.
