- ఐద్వా జిల్లా కార్యదర్శి బట్టు పల్లి అనురాధ
నవతెలంగాణ - భువనగిరి
            వికలాంగుల హక్కుల జాతీయ వేదిక యాదాద్రి భువనగిరి జిల్లా కమిటీ ఆధ్వర్యంలో కాటపల్లి రజిత అధ్యక్షతన అంతర్జాతీయ మహిళా దినోత్సవం స్థానిక భువనగిరి పట్టణ కేంద్రం లో నిర్వహించారు .ఈ కార్యక్రమాన్ని ఉద్దేశించి ఐద్వా జిల్లా కార్యదర్శి బట్టు పల్లి అనురాధ మాట్లాడుతూ మహిళలు సమాజములో ఎన్నో ఏండ్లుగా అణిచివేతకు గురవుతున్నారన్నారు. 75 ఏండ్ల స్వాతంత్య్ర భారత దేశంలో మహిళల పై దాడులు జరగడం బాధాకరమని ఆమె ఆవేదన వ్యక్తం చేశారు .మహిళలు నిరుత్సాహ పడకుండా పోరాటాల ద్వారా మహిళా వికలాంగులు తమ హక్కులు సాధించుకోవాలన్నారు. ఈ కార్యక్రమంలో ఎన్‌పీఆర్‌డీ జిల్లా అధ్యక్షులు సురుపంగా ప్రకాష్‌ , జిల్లా ప్రధాన కార్యదర్శి వనం ఉపేందర్‌, , మహిళా విభాగం జిల్లా కన్వీనర్‌ కొత్త లలిత, కొండమడుగు మనోహర, కొనసోత్‌ అనుసూర్య, గ్యార సరిత, బోడ అంశమ్మ, గీసా గీత, పాల్గొన్నారు.