నవతెలంగాణ-కోదాడరూరల్‌
పట్టణంలోని గణేష్‌ నగర్‌లో శ్రీ చైతన్య పాఠశాల ఆవరణలో సుమన్‌ షోటోకాన్‌ కరాటే అకాడమీ ఆధ్వర్యంలో కరాటే విద్యార్థులకి కరాటే బెల్ట్‌లు, సర్టిఫికెట్లను మున్సిపల్‌ చైర్‌ పర్సన్‌ వనపర్తి శిరీష లక్ష్మీనారాయణ ప్రదానం చేశారు. ఈ సందర్భంగా వారు మాట్లాడుతూ పట్టణ ప్రాంత విద్యార్థులకు కరాటేలో ఉత్తమ శిక్షణ ఇస్తూ రాష్ట్ర, జాతీయ స్థాయి పోటీలలో విజేతలుగా నిలుపుతున్న సుమన్‌ షోటోకాన్‌ కరాటే అకాడమీ జిల్లా అధ్యక్షులు కొండపల్లి క్రాంతికుమార్‌ అభినందనీయులన్నారు. విద్యార్థులు చదువుతోపాటు మనోధైర్యం కల్పించే మార్షల్‌ ఆర్ట్స్‌ క్రీడలు నేర్చుకోవాలన్నారు. కరాటే శిక్షణ కోదాడలోకి అందుబాటులోకి తెచ్చిన కరాటే మాస్టర్‌ క్రాంతి కుమార్‌ను అభినందనలు తెలిపారు. అనంతరం కరాటే మాస్టర్‌ క్రాంతికుమార్‌ మాట్లాడుతూ కరాటే ఆత్మ రక్షణకు, ఆత్మ విశ్వాసానికి ఎంతో దోహదపడుతుందన్నారు. ఈ కార్యక్రమంలో వీరితో పాటు క్రీడాకారులు జే.నవీన్‌ కుమార్‌, జీ.రవికుమార్‌, టీ.రమేష్‌, జీ.మురళి తదితరులు పాల్గొన్నారు.
