- రాష్ట్ర ఆయిల్‌ ఫెడ్‌ చైర్మెన్‌ రామకృష్ణారెడ్డి
నవతెలంగాణ-మోత్కూర్‌
         రైతులు లాభసాటి పంటలపై దృష్టి సారించాలని, అప్పుడే ఆర్థికంగా నిలదొక్కుకోగల్గుతారని రాష్ట్ర ఆయిల్‌ ఫెడ్‌ చైర్మన్‌ కంచర్ల రామకృష్ణారెడ్డి అన్నారు. మోత్కూరు మండలం దత్తప్పగూడెంలో రైతు కంచర్ల వేణుగోపాల్‌ రెడ్డి వ్యవసాయ క్షేత్రం 7 ఎకరాల్లో శుక్రవారం ఆయిల్‌ ఫామ్‌ మొక్కలు పెడుతుండగా ఆయన ముఖ్య అతిథిగా పాల్గొని మొక్క నాటారు. ఈ సందర్భంగా ఆయన మాట్లాడుతూ మార్కెట్‌ లో ఆయిల్‌ ఫామ్‌ పంటకు మంచి డిమాండ్‌ ఉందని, తక్కువ పెట్టుబడితో సాగు చేసే ఆయిల్‌ సాగుతో రైతులు ఆర్థికాభివృద్ధి సాధించవచ్చన్నారు. ఈ కార్యక్రమంలో అడ్డగూడూరు సింగిల్‌ విండో చైర్మన్‌ పొన్నాల వెంకటేశ్వర్లు, బీఆర్‌ఎస్‌ జిల్లా నాయకులు గోరుపల్లి సంతోష్‌ రెడ్డి, ఎలుగు సోమయ్య, గ్రామశాఖ ప్రధాన కార్యదర్శి ఎలుగు యాదయ్య, ఆయిల్‌ ఫెడ్‌ జిల్లా అధికారి ప్రవీణ్‌, ఫీల్డ్‌ ఆఫీసర్‌ మమత తదితరులు పాల్గొన్నారు.