- సేవా కార్యక్రమాల్లో ముందుంటున్న రాజేష్‌రెడ్డి
నవతెలంగాణ-పెన్‌పహాడ్‌
మంత్రి జగదీశ్‌రెడ్డి బాటలోనే మండల పరిధిలోని మాచారం గ్రామానికి చెందిన బీఆర్‌ఎస్‌ నాయకుడు ముదిరెడ్డి రాజేష్‌రెడ్డి మంత్రి జగదీశ్‌రెడ్డి బాటలో పయనిస్తూ పలు అభివద్ధి కార్యక్రమాలు నిర్వహిస్తున్నారు. ఇటీవలే 10 లక్షల అంచనాతో మాచారం గ్రామం ఎస్సీ కాలనీలో, గుడిబండ తండాలలో సొంత ఖర్చుతో మినరల్‌ వాటర్‌ ప్లాంట్లను ప్రారంభించి నిర్మిస్తున్నారు. అంతే కాక గతంలో కొంతమందికి సైకిళ్లను పంపిణీ చేశారు. కాగా రెండవ విడత సైకిళ్ల పంపిణీ కార్యక్రమంలో భాగంగా ఆయన తండ్రి ముదిరెడ్డి రంగారెడ్డి చేతుల మీదుగా ఆదివారం వ్యవసాయం, వ్యవసాయ ఆధారిత పనులు చేసుకుంటున్న ఐదుగురికి సైకిళ్లను పంపిణీ చేశారు. ఈ సందర్భంగా లబ్ధిదారులు మాట్లాడుతూ తమ కష్టాన్ని గుర్తించి తమకి చేయూత నందిస్తున్న రాజేష్‌రెడ్డికి ధన్యవాదాలు తెలిపారు. ఈ కార్యక్రమంలో మాచారం ఎంపీటీసీ నాగు, గ్రామ ఉపసర్పంచ్‌ నాగయ్య, మాజీ ఎంపీటీసీ సైదులు, లింగయ్య, దుబని సైదులు, రాజేష్‌, గంగరాజు, సందీప్‌, వినరు, సతీష్‌, లింగస్వామి, నాగరాజు, గంగరాజు, గ్రామ ప్రజలు పాల్గొన్నారు.