- విద్యుత్‌ శాఖ మంత్రి గుంటకండ్ల జగదీశ్‌ రెడ్డి
నవతెలంగాణ -నూతనకల్‌
ప్రజలు ఆధ్యాత్మికతను పెంపొందించుకోవాలని రాష్ట్ర విద్యుత్‌ శాఖ మంత్రి గుంటకండ్ల జగదీష్‌ రెడ్డి, తుంగతుర్తి శాసనసభ్యులు గాదరి కిషోర్‌ కుమార్‌ అన్నారు. సోమవారం మండల పరిధిలోని మిర్యాల గ్రామంలో నిర్వహించిన బొడ్రాయి, ముత్యాల అమ్మవారు, పోతరాజుల విగ్రహ ప్రతిష్టాపన కార్యక్రమంలో పాల్గొని ప్రత్యేక పూజలు చేశారు.అనంతరం మాట్లాడుతూ ప్రజలందరూ ఆధ్యాత్మిక భావనను పెంపొందింపజేసుకోవాలన్నారు. ఆధ్యాత్మికత తోనే మనసుకు ప్రశాంతత లభిస్తుందన్నారు. ఈ కార్యక్రమంలో సర్పంచ్‌ పిఎసిఎస్‌ చైర్మన్‌ కనకటి సునీత వెంకన్న, ఎంపీపీ భూరెడ్డి కళావతి సంజీవరెడ్డి, జెడ్పిటిసి కందాల దామోదర్‌ రెడ్డి, వైస్‌ ఎంపీపీ జక్కి పరమేష్‌, టిఆర్‌ఎస్‌ పార్టీ మండల అధ్యక్షులు మున్న మల్లయ్య యాదవ్‌, మండల ప్రధాన కార్యదర్శి బత్తుల సాయిలు గౌడ్‌, ఉప సర్పంచ్‌ మన్యం రమేష్‌, దేవాలయ కమిటీ చైర్మన్‌ కనకటి పల్ల వెంకన్న, గ్రామ శాఖ అధ్యక్షులు పెద్దింటి మధు, ఆలయ కమిటీ సభ్యులు, గ్రామ ప్రజలు, భక్తులు తదితరులు పాల్గొన్నారు.
