- ఉపకులపతి ఆచార్య గోపాల్‌రెడ్డి అభినందన
నవతెలంగాణ-నార్కట్‌పల్లి
చండీగఢ్‌ విశ్వవిద్యాలయ వేదికగా జరుగుతున్న అంతర విశ్వవిద్యాలయాల వెయిట్‌ లిఫ్టింగ్‌ ఛాంపియన్షిప్‌ 2022 -23 లో మహాత్మా గాంధీ విశ్వవిద్యాలయ విద్యార్థి రామినేని శివ లింగేశ్వర సాయి అత్యుత్తమ ప్రతిభ కనబరిచి ఖేలో ఇండియా పోటీలకు ఎంపికయ్యాడు. తమ విద్యార్థి అత్యుత్తమ ప్రదర్శనను ఇవ్వడం అత్యంత గర్వకారణమని ఉపకులపతి ఆచార్య గోపాల్‌రెడ్డి, రిజిస్ట్రార్‌ ఆచార్య తుమ్మ కృష్ణారావువులు శుక్రవారం ప్రశంసించారు. విద్యార్థులు విశ్వవిద్యాలయంలో అందుబాటులో ఉన్న క్రీడ సదుపాయాలను వినియోగించుకొని జాతీయస్థాయిలో రాణించాలని ఆకాంక్షించారు. వెయిట్‌ లిఫ్టింగ్‌లో. విద్యార్థి రామినేని శివ లింగేశ్వర సాయి. అత్యుత్తమ ప్రతిభ కనబరిచి విధంగా తీర్చిదిద్దినందుకు స్పోర్ట్స్‌ కోఆర్డినేటర్‌ డాక్టర్‌ ఉపేందర్‌రెడ్డి, పీడీలు డాక్టర్‌ మురళి, డాక్టర్‌ శ్రీనివాసరెడ్డిలను ప్రశంసించారు.
