నవతెలంగాణ- ఆలేరు రూరల్‌
             ఆలేరు మండలం పలు గ్రామాలలో మంగళవారం ఉరుములు మెరుపులతో భారీ వర్షం కురువగా కోతకు వచ్చిన వరి పంట నేలకొరిగింది. దీంతో రైతులు కన్నీరు మున్నీరవుతున్నారు. పటేల్‌ గూడెం,శర్బన పురం,కొల్లూరు, శ్రీనివాసపురం టంగుటూరు గ్రామాలలో ఈదురు గాలులతో కూడిన వడగల్లు వర్షం పడడంతో పొట్టకు వచ్చిన వరి పంట రాళ్ల దెబ్బలకు రాలిపోయింది. వరి పైరు నేలకొరిగింది. అక్కడక్కడ మామిడికాయలు రాలిపోయాయి అక్కడక్కడ కరెంటు వైర్లు తెగిపోవడంతో విద్యుత్‌ అంతరాయం ఏర్పడింది.
మోటకొండూర్‌ : మోటకొండూరు మండలంలోని పలు గ్రామాలలో రాళ్ల వర్షంతో దెబ్బతిన్న పంటలు వరి అమ్మనబోల్‌, మాటూర్‌ ,చందేపల్లి పలు గ్రామాలలో భారీ వర్షం కురవడంతో పంటలు నష్టపోయామని రైతులు కన్నీరు పెట్టుకుంటున్నారు.