నవతెలంగాణ- వలిగొండ రూరల్‌
మండల పరిధిలోని కేర్చీపల్లి గ్రామంలో ఆదివారం సాయంత్రం గౌడ సంఘం ఆధ్వర్యంలో ఏర్పాటుచేసిన నూతన సర్దార్‌ సర్వాయి పాపన్న విగ్రహావిష్కరణ కార్యక్రమం ఎమ్మెల్యే పైళ్ల శేఖర్‌ రెడ్డి ఆధ్వర్యంలో జరిగింది. ఈ కార్యక్రమానికి ముఖ్య అతిథులుగా జై హింద్‌ గౌడ్‌, సుదగాని హరి శంకర్‌ గౌడ్‌, పంజాల శ్రవణ్‌ గౌడ్‌ హాజరయ్యారు. ఈ సందర్భంగా మాట్లాడుతూ సర్దార్‌ సర్వాయి పాపన్న జయంతి మరియు వర్ధంతి వేడుకలను ప్రభుత్వం అధికారికంగా నిర్వహించడం గౌడ జాతికి దక్కిన అరుదైన గౌరవమన్నారు. సినీ హీరో జైహింద్‌ గౌడ్‌ మాట్లాడుతూ గౌడ జాతి ఆర్థిక పురోగతి సాధించి, అన్ని రంగాలలో ముందుండాలన్నారు. ఈ కార్యక్రమంలో స్థానిక సర్పంచ్‌ మద్దెల మంజుల నాగరాజు, మండల బిఆర్‌ఎస్‌ అధ్యక్షుడు తుమ్మల వెంకటరెడ్డి, మొగుళ్ళ శ్రీనివాస్‌ గౌడ్‌, దంతూరి సత్తయ్య గౌడ్‌, మద్దెల రాజయ్య గౌడ్‌, పల్సం రమేష్‌ గౌడ్‌, వలిగొండ బిఆర్‌ఎస్‌ పట్టణ అధ్యక్షుడు ఎమ్మెల్యే లింగస్వామి, గౌడ సంఘం అధ్యక్షులు లోడే మల్లయ్య, వెంకులు గౌడ్‌, గుణగంటి వెంకటేష్‌, చంద్రశేఖర్‌, గౌడ సంఘం నాయకులు, గ్రామ ప్రజలు తదితరులు పాల్గొన్నారు.
