- జయంతి వేడుకల్లో మాజీ ఎమ్మెల్యే జూలకంటి
నవతెలంగాణ-మిర్యాలగూడ
        మహాత్మాజ్యోతిరావుఫూలే ఆశయాలను సాధించినప్పుడే ఆయనకు నిజమైన నివాళులర్పించిన వారమవుతామని మాజీ ఎమ్మెల్యే జూలకంటి రంగారెడ్డి అన్నారు.జ్యోతిరావుఫూలే జయంతి వేడుకల్లో భాగంగా మంగళవారం సాగర్‌రోడ్‌లో ఉన్న ఆయన విగ్రహానికి పూలమాలలేసి నివాళులర్పించారు. ఈ సందర్భంగా ఆయన మాట్లాడుతూ ఏడాదికి ఒకసారి దండ వేసి దండం పెట్టి వెళ్లిపోవడం సరైనది కాదన్నారు.ఆయన చూపిన మార్గాన్ని, ఆలోచనలను అమలు చేయాలని అప్పుడే నిజమైన నివాళులర్పించినట్టవుతుందన్నారు.మహనీయుల ఆశయాలను సాధించాలని కోరారు.చదువుతోనే సమస్యలు పరిష్కారం అవుతాయని చెప్పారు.ఫూలే చూపిన మార్గాన్ని ఎంచుకొని వాటి సాధన కోసం ఉద్యమాలు చేయాలన్నారు .ఆయన సేవలు సేవలు స్ఫూర్తిదాయకమ న్నారు.ఈ కార్యక్రమంలో సీపీఐ(ఎం) రాష్ట్ర కమిటీ సభ్యులు డబ్బికార్‌ మల్లేష్‌, రైతుసంఘం జిల్లా అధ్యక్షులు వీరేపల్లి వెంకటేశ్వర్లు డాక్టర్‌ మల్లు గౌతమ్‌రెడ్డి, రవినాయక్‌,భవాండ్ల పాండు, రాగిరెడ్డి మంగారెడ్డి, తిరుపతి రామ్మూర్తి, పోలేబోయిన వరలక్ష్మి, గోవర్ధనమ్మ, ఆయ్యూబ్‌, రెమిడాల పరుశరాములు, దేవయ్య, రామారావు, ఏసు, పులమ్మ తదితరులు పాల్గొన్నారు.