నవతెలంగాణ-భువనగిరిరూరల్‌
వ్యక్తిగత గార్డెన్‌ అభివృద్ధి విభాగంలో రాష్ట్ర వ్యవసాయ, ఉద్యానవన శాఖల మంత్రి నిరంజన్‌రెడ్డి చేతుల మీదుగా కలెక్టర్‌ పమేలా సత్పతి మొదటి బహుమతిగా ట్రోఫీ అందుకున్నారు.శనివారం రాత్రి హైదరాబాద్ పబ్లిక్‌గార్డెన్స్‌లో రాష్ట్ర ఉద్యానవన శాఖ ఆధ్వర్యంలో జరిగిన గార్డెన్‌ ఫెస్టివల్‌- 2023 కార్యక్రమంలో ఆమె ఈ ట్రోఫీ అందుకున్నారు. కలెక్టర్‌ నివాసంలో పర్యావరణహితంగా, సేంద్రీయ పద్ధతిలో సుందరీకరణతో గార్డెనింగ్‌, టెర్రస్‌ గార్డెనింగ్‌, కిచెన్‌ గార్డెనింగ్‌, వివిధ రకాల పూల మొక్కల పెంపకం నిర్వహించడం పట్ల వారు పురస్కారం అందుకున్నారు. ఈ కార్యక్రమంలో రైతుబంధు సమితి అధ్యక్షులు పల్లా రాజేశ్వర్‌రెడ్డి, రాష్ట్ర గ్రామీణ అభివృద్ధి, పంచాయతీరాజ్‌ శాఖల కమిషనర్‌, ఉద్యానవన శాఖ డైరెక్టర్‌ హనుమంతరావు, జిల్లా ఉద్యానవన అధికారి అన్నపూర్ణ, అధికారులు పాల్గొన్నారు.
