- పట్టువస్త్రాలు, తలంబ్రాలు సమర్పించిన ఎమ్మెల్యే
నవతెలంగాణ-మఠంపల్లి
మట్టపల్లి శ్రీలక్ష్మీనర్సింహాస్వామి కల్యాణం గురువారం అర్ధరాత్రి నుండి శుక్రవారం తెల్లవారుజాము వరకు వైభవోపేతంగా శాస్త్రోయుక్తంగా నిర్వహించారు.స్వామివారి కల్యాణానికి ఎమ్మెల్యే శానంపూడి సైదిరెడ్డి దంపతులు పట్టువస్త్రాలు, తలంబ్రాలు సమర్పించారు.ఈసందర్భంగా ఆలయంవద్ద సాంస్కృతిక కార్యక్రమాలు ఏర్పాటు చేశారు.తెలుగు రాష్ట్రాలలో శ్రీశైలం తర్వాత అన్నివర్గాల అన్నదాన సత్రాలు మట్టపల్లిలో ఉన్నాయి. నాగార్జున సిమెంట్స్‌,సాగర్‌ సిమెంట్స్‌ భవ్యా సిమెంట్స్‌, వారు మజ్జిగ, మంచినీళ్ల ప్యాకెట్లు భక్తులకు అందించారు.నాగార్జున సిమెంట్స్‌ వారు ప్రత్యేకంగా వైద్య క్యాంపు ఏర్పాటు చేశారు.ఈకార్యక్రమంలో ఎంపీపీ మూడవత్‌ పార్వతి,సర్పంచ్‌ దాసరి విజయలక్ష్మీవెంకటరమణ, అనువంశిక ధర్మకర్తలు చెన్నూరు విజయకుమార్‌, చెన్నూరి మట్టపల్లిరావు,కార్యనిర్వాహణ అధికారి సిరికొండ నవీన్‌,ధర్మకర్తల కమిటీ సభ్యులు కుమ్మరికుంట్ల వెంకట నారాయణ,గుండా కొండల్‌రెడ్డి, వేదపండితులు,అర్చకులు బోర్రావాసు దేవచార్యులు,తూమాటి రామాచార్యులు, తూమాటి శ్రీనివాసాచార్యులు, బ్రహ్మచార్యులు, పద్మనాభాచార్యులు, లక్ష్మీనర్సింహామూర్తి, బద్రీనాథ్‌ చార్యులు,పనిభూషణ మంగాచార్యులు,కొండవీటి శ్రీనాధశర్మ, మహాదేవశర్మ తదితరులు పాల్గొన్నారు.
