- ఎమ్మెల్యే భాస్కర్‌రావు, ఎమ్మెల్సీ కోటిరెడ్డి
నవతెలంగాణ-మిర్యాలగూడ
అభివృద్ధిని చూసి పార్టీలోకి చేరుతున్నారని ఎమ్మెల్యే నల్లమోతు భాస్కర్‌రావు, ఎమ్మెల్సీ కోటిరెడ్డి అన్నారు. మాడుగులపల్లి మండలం చిరుమర్తి గ్రామ సర్పంచ్‌ శ్రీశైలం, నలుగురు వార్డ్‌ మెంబర్లు, మాజీ వార్డ్‌ మెంబర్లు, మాజీ ఉప సర్పంచ్‌తో సహా 300 మంది కాంగ్రెస్‌ పార్టీ కార్యకర్తలు స్థానిక ఎమ్మెల్యే క్యాంపు కార్యాలయంలో ఆదివారం బీఆర్‌ఎస్‌లో చేరారు. వారిని శాసన సభ్యులు నల్లమోతు భాస్కర్‌ రావు పార్టీ కండువా కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ సీఎం కేసీఆర్‌ అన్ని వర్గాల సంక్షేమ కోసం కృషి చేస్తున్నారని చెప్పారు. బంగారు తెలంగాణ సాధన కోసం పాటుపడుతున్నట్టు తెలిపారు. కేసీఆర్‌ చేస్తున్న అభివృద్ధి పథకాలను చూసి ఆకర్షితులై స్వచ్ఛందంగా పార్టీలో చేరుతున్నట్లు తెలిపారు. ఈ కార్యక్రమంలో జిల్లా కో ఆప్షన్‌ సభ్యులు మోసిన్‌ అలీ, మండల పార్టీ అద్యక్షులు పాలుట్ల బాబయ్య, గౌరవ ఎంపీపీ సలహాదారు పోకల రాజు, పాక్స్‌ చైర్మన్‌ జేర్రిపోతుల రాములుగౌడ్‌, సర్పంచులు పొరెడ్డి కోటిరెడ్డి, అల్గుబెల్లి గోవిందరెడ్డి, మారుతి వెంకట్‌ రెడ్డి, ఎంపీటీసీ యాతం కళింగరెడ్డి, బీఆర్‌ఎస్‌ నాయకులు, తదితరులు పాల్గొన్నారు.
