ఆ అనంత వినీలాకాశంలో
అన్నీ తళుకు తారలే!
విహంగ వీక్షణం చేసి మురిసి ఆనందించే
మనసులు కావాలి కానీ!

ఆ అపార జలరాశిలో
అన్నీ పగడపు దీవులే!
సాగర గర్భాన్ని శోధించి సాధించే
గజ ఈతగాళ్లు కావాలి కానీ!

ఆ సారవంత క్షేత్ర పొరలనిండా
అన్నీ గట్టివిత్తనాలే!
సాగుచేసి కలుపుతీసి ఫలసాయం పొందే
కషీవలురుకావాలి కానీ!

ఆ పరిమళ పుష్పవనం నిండా అన్నీ

సుగంధ భరిత సుమాలే!
ఆఘ్రాణించి అనుభూతి పొంది పరవశించే
రసికులు కావాలి కానీ!

ఆ తియ్య మామిడి తోటనిండా
అన్నీ మధుర ఫలభరిత వక్షాలే!
చూషించి లేహ్యించి భుజించి భక్షించి
జీర్ణించుకునే జీవనోపాసకులు కావాలి కానీ!

ఆ నిశ్శబ్ద రణరంగస్థల దొంతరలనిండా
అన్నీ అస్త్రశస్త్రాభ్యసన ్ఞనసాధనాలే!
తాపసులై తర్ఫీదుపొంది!
ఘనవిజయాలను
సొంతం చేసుకుని తరించి
విలువల జీవనం గడపాలిమరి!!
- కరిపె రాజ్‌ కుమార్‌,
8125144729