తన పేరే స్వరాజ్యం
తలవగానే చైతన్యం
తరలిపోయె తల్లితాను
పోరాడి జీవితాంతం
పద్నాలుగు ఏళ్ల వయసు
బందూకు పట్టి తాను
పీడన ఎదిరించింది
దొరల పీచమణచింది
భూస్వాముల బిడ్డయినా
బానిసలకు నాయికగా
బరిలోకే దూకింది
అరుణతార వెలిగింది
సాహసాల చిరునామా
త్యాగనిరతి చిహ్నమామె
ఆశయమే అనవరతం
మహిళోద్యమ పతాకం
ఆడంబరమా తెలియదు
అట్టహాసమే ఎరుగదు
కపటం స్వార్థం తలవని
శ్రమజీవుల సమరదీప్తి
తెలంగాణ వీరమాత
తెలుగుజాతి స్పూర్తిదాత
చిరకాలం మనతోనే
పయనిద్దాం తన బాటే
(అమ్మలాటి స్వరాజ్యానికి ఆశ్రుతర్పణతో)
- తెలకపల్లి రవి
మీ స్నేహితులకు రికమెండ్ చెయ్యండి
