ఆవలి చీమలు ఈవలికిదూరకుండా
అనుక్షణం సైనికులు కావలి కాస్తరు!
అంగుళం జాగా అన్యా క్రాంతం కాకుండా
అపమ్ర త్తంగా విహంగ వీక్షణం చేస్తరు!!

ఆలుబిడ్డలను ఇరుగుపొరుగుకొదిలి
ఆయుధాలతో దోస్తీజబర్దస్త్‌ గ చేస్తరు!
దివారాత్రాలు అలుపెరుగని ధీరత్వంతో
నిఘానేత్రాలై నిబ్బరంగ సంచరిస్తరు!!
మాయతెరలపైవలపు చిలకలు
ముచ్చటతొ మురిపెంగా పలకరిస్తరు!
మరుగు మందులతొ వేగుచుక్కలు
వెచ్చ వెచ్చగా కులకరిస్తరు!!

అంగలార్చు తూ చొంగ కార్చితే
తేరగా తేనెతుట్టెను కదుపుతరు!
తేనెలూరేపెదాలను తేలికగా కుదువ బెట్టి
రణరంగ మర్మా ంగాలను లాఘవంగా లాక్కుంటై!!

చాణక్య సూక్తులను చాలా వల్లెవేయించినా
గుణపాఠం నేర్వని గుడ్లగూబలు!
గూఢరహస్యా ల గుడ్డలమూటలను
ఒక్కటొక్కటిగా ఒలిచి అప్పనంగా ఒప్పజెప్తాయి!!
గోమాయువుల గోత్రాలెరిగి
కపట వ్యూ హాలను కంటితో ఛేదించాలి!
దాయాదుల దారుణాలను
దౌత్య నీతితో దఖలుపరచ యత్నించాలి!!
(హనీట్రాప్‌లను దృష్టిలో ఉంచుకుని)

- కరిపె రాజ్‌ కుమార్‌
  8125144729