నవ తెలంగాణ-గోవిందరావుపేట
ఈనెల 15 నుండి 17 వరకు నిర్వహించనున్న సీఎం కప్ క్రీడల కోసం క్రీడా ప్రాంగణాలను సిద్ధం చేస్తున్నట్లు
గోవిందరావుపేట పంచాయతీ కార్యదర్శి శంకర్ తెలిపారు. శుక్రవారం మండల కేంద్రంలోని బాలికల ఉన్నత పాఠశాలలో సీఎం కప్ మండల స్థాయి క్రీడలకు తయారవుతున్న క్రీడా ప్రాంగణాలను దగ్గరుండి పరిశీలించారు. ఈ సందర్భంగా కార్యదర్శి శంకర్ మాట్లాడుతూ మండలంలోని అన్ని గ్రామాలలో ఉన్నటువంటి 15 నుండి 36 సంవత్సరాల లోపు యువతి యువకులు ఈనెల 15 నుండి 17 వరకు మండల కేంద్రంలోని బాలికల ఉన్నత పాఠశాలలో వాలీబాల్ కబడ్డీ కోకో అథ్లెటిక్స్ క్రీడలను నిర్వహించనున్నట్లు తెలిపారు. మండల స్పెషల్ ఆఫీసర్ నాగ పద్మజ ఆదేశాల మేరకు నేటితో క్రీడా ప్రాంగణాలను సిద్ధం చేసినట్లు తెలిపారు. ఈ కార్యక్రమంలో బిల్ కలెక్టర్ అశోక్ ములుగు జిల్లా స్పోర్ట్స్ స్పెషల్ ఆఫీసర్ ఆదినారాయణ తదితరులు పాల్గొన్నారు.