- బీరెల్లి సర్పంచ్ జాజ చంద్రం
- మృతుని కుటుంబానికి 4 వేలు ఆర్థిక సాయం అందజేత
నవతెలంగాణ - తాడ్వాయి
శ్రీరామ కృష్ణ సేవా ట్రస్ట్ సేవలు అభినందనీయం అని బీరెల్లి సర్పంచ్ జాజ చంద్రం అన్నారు. సోమవారం మండలంలోని బీరెల్లి గ్రామంలో ఇటీవల నాలుగు నెలల క్రితం గుండెపోటు(హార్ట్ స్ట్రోక్) తో మృతి చెందిన మంతెన రాము కుటుంబాన్ని సోమవారం పరామర్శించి, శ్రీరామకృష్ణ సేవా ట్రస్ట్ చైర్మన్ బాడిషా నాగ రమేష్, బీరెల్లి సర్పంచ్ జాజ చంద్రం చేతుల మీదుగా 4వేల రూపాయలు అందించారు. ఈ సందర్భంగా సర్పంచ్ జాజ చంద్రం మాట్లాడుతూ కష్ట సమయంలో ఆపదలో ఉన్న పేద ప్రజలకు అండగా నిలిచేలా శ్రీ రామకృష్ణ సేవ ట్రస్ట్‌ ద్వారా సేవా కార్యక్రమాలు నిర్వహించడం అభినందనీయమని అన్నారు. శ్రీరామకృష్ణ సేవా ట్రస్ట్ చైర్మన్ నాగ రమేష్ మాట్లాడుతూ బడుగు బలహీన వర్గాల పేద ప్రజలకు ఆపద సమయంలో శ్రీరామకృష్ణ సేవా ట్రస్ట్ అండగా ఉంటుందని, అదే స్ఫూర్తితో భవిష్యత్తులో కూడా సహాయ సహకారాలు అందిస్తామని పేర్కొన్నారు. ఈ కార్యక్రమంలో బిఆర్ఎస్ పార్టీ మాజీ మండల అధ్యక్షులు నూశెట్టి రమేష్, రాము, వార్డు మెంబర్లు శ్రీను, బెజ్జూరి వెంకన్న, యూత్ అధ్యక్షుడు గుమ్మల వీరస్వామి, సభ్యులు బాడిషా నవీన్, ఆదినారాయణ, బోడ ప్రవీణ్, జానపట్ల జయరాజు తదితరులు పాల్గొన్నారు.