నవతెలంగాణ-గోవిందరావుపేట
నేటి సమాజంలో యువత స్వయం ఉపాధికై చిన్న చిన్న వ్యాపారాల్లో ప్రతిపత్రం రాణించాలని పసర ఎస్సై సిహెచ్ కరుణాకర రావు అన్నారు. శుక్రవారం మండలంలోని పసర గ్రామంలో మేడారం వెళ్లే రహదారిలో హనుమాన్ ఆటో కన్సల్టెన్సీ సెంటర్ ను ప్రారంభించారు. ఈ సందర్భంగా ఎస్సై కరుణాకర్ రావు మాట్లాడుతూ ప్రతిభావంతులైన యువకులందరూ ఆర్థికంగా ఎదుగుదల కోసం ఎన్నో రకాలైన చిన్నచిన్న వ్యాపారాలను స్వయం ఉపాధిగా ఎంచుకొని రాణించాలని సూచించారు. రాకేష్ ఆటో కన్సల్టెన్సీ తో ఎందరికో ఉపాధి చూపించవచ్చని అన్నారు. ఈ అవకాశాన్ని అందరూ సద్వినియోగం చేసుకోవాలని అన్నారు. ఈ కార్యక్రమంలో పసర ఆటో యూనియన్ నాయకులు, భూక్య అంజిబాబు, చల్ల శ్రీనివాస్, అశోక్ సురేష్, రఫీక్, కాళీ, సెల్వం రతన్ సింగ్, సిద్దు ,ఫెరోజ్, సర్వర్, నారాయణ, ప్రకాష్, శేఖర్, మేడారం ఆటో యూనియన్ నాయకులు, ఓనర్లు డ్రైవర్లు తదితరులు పాల్గొన్నారు.