నవతెలంగాణ - హైదరాబాద్: ఎన్టీఆర్ విగ్రహం ఏర్పాటు విషయంలో జూబ్లీహిల్స్ లోని  మోతీనగర్‌లో ఉద్రిక్తత పరిస్థితులు నెలకొన్నాయి. ఎన్టీఆర్ శతజయంతి ఉత్సవాల్లో భాగంగా తెలంగాణ టీడీపీ ఆధ్వర్యంలో  మోతీనగర్ ల ఎన్టీఆర్ విగ్రహం ఏర్పాటు చేశారు. కానీ, విగ్రహం ఏర్పాటుకు అనుమతి లేదని జీహెచ్ఎంసీ అధికారులు చెప్పారు. ఈ తరుణలో ఎన్టీఆర్ విగ్రహం తొలగించేందుకు సంఘటన ప్రదేశానికి జీహెచ్ఎంసీ అధికారులుతో పాటు భారీగా పోలీసులను మోహరించడంతో టెన్షన్ వాతావరణం నెలకొంది. కాగా, ఎమ్మెల్యే మాగంటి గోపీనాథ్ కుట్రపూరితంగా ఎన్టీఆర్ విగ్రహం తొలగిస్తున్నారంటూ స్థానిక టీడీపీ నేతలు ఆరోపించారు.