నవతెలంగాణ - డిచ్ పల్లి.
సోమవారం నుండి 17 వరకు సిఎం కప్ క్రీడోత్సవాలు ఇందల్ వాయి మండలంలోని గన్నరం గ్రామంలో సోమవారం నుండి  జిల్లా పరిషత్ ఉన్నత పాఠశాలలో నిర్వహిస్తున్నట్లు మండల పరిషత్ అభివృద్ధి అధికారి రాములు నాయక్ ఆదివారం ఒక ప్రకటనలో తెలిపారు. సిఎం కప్ క్రీడోత్సవాల్లో భాగంగా మండల స్థాయి క్రీడలు గన్నరం గ్రామంలోని జిల్లా పరిషత్ ఉన్నత పాఠశాలలో నిర్వహిస్తున్నామని పేర్కొన్నారు. కబడ్డీ, వాలీబాల్, ఫుట్ బాల్, లాంగ్ జంప్, హై జంప్, షాట్ పుట్, ఖోఖో రన్నింగ్ పోటీలు ఉంటాయని రాములు నాయక్ తెలిపారు. ఆసక్తి గల యువకులు 15 సంవత్సరాల నుండి 36 సంవత్సరలోపు స్త్రీ/పురుష క్రీడాకారులను ఎంపిక చేసి క్రీడోత్సవాలు నిర్వహిస్తున్నట్టు పేర్కొన్నారు.ఈ క్రిడలలో పాల్గొని విజయవంతం చేయాలని పిలుపునిచ్చారు.